Mateu 21:26 - MUKANDA USANDU WA ZAMBI 1975

²⁶ Alioze kachi mutwamba ngwetu, Kuli atu; tunevu woma wa mbunga; mumu eswe kakumona Yoano ngwe profeta.

Mukanda Wa Zambi 1970

²⁶ Alioze, nyi twakumbulula ngwetu: ‘Cha hashi,’ tunevu woma ku mbunga, mumu atu eswe kaakunyonga ngwo, Yoano kali mukwa munanyi wa Zambi.”

Mateu 21:26 Iomraidhean Croise

Izaya 57:11

Iya wamuvwilile woma ni mwongo, kashika wahanjikile mahuza, kwangwiwulukile, kwangunyongene chipwe kamuwika? Nahola kwami ha shimbu linene, kashika kwanguvwilile nawa woma.

Mateu 11:9

Alioze yika nwayilile mukutala? Profeta, nyi? Ewa, ngunambe kuli yenu ngwami, Umwe Wahiana chikolo profeta.

Mateu 14:5

Muze azangile kumushiha, wevwile woma wa mbunga, mumu amumwene profeta.

Mateu 21:11

Mbunga ambile ngwo, Yono mwe profeta Yesu yoze wa ku Nazare, limbo lia mu Ngalileya.

Mateu 21:25

Ngwami, Upapachiso wa Yoano, kulihi wakatukile? Shina mwilu nyi, shina kuli atu? O aliambile hakachi ko ngwo, Kachi mutwamba ngwetu, Mwilu; iye mamba kuli yetu ngwenyi, Kuchi te kevwe kunwamufulielele?

Mateu 21:27

Kashika akumbulwile kuli Yesu, ngwo, Kutwanyingikine. Iye nawa ngwenyi, Chipwe ni yami nawa chichi kunwambulwila chiyulo chize nakulinga nacho yino yuma.

Mateu 21:46

Alioze muze afupile kumukwata, evwile woma wa mbunga, mumu amumwene ngwe profeta.

Marku 11:32

Alioze kachi mutwamba ngwetu, Kuli atu, mumu te evwile woma wa atu: mumu eswe amwene Yoano profeta wamwenemwene.

Marku 12:12

O afupile kumukwata; alioze evwile woma wa mbunga; mumu anyingikine wahanjikile chishima cha kwahisa: kashika yamuhichika, yakatuka.

Marku 6:20

Mumu Heronde wevwile woma wa Yoano, mumu kananyingika iye mukwa ululi, kanda musandu. Mba wamufungile kanawa, ni muze amuvwile, wakakashanyine chikolo, alioze wamuvwile ni kuwaha.

Luka 20:19

Asasendote akwa lutwe ni akwa kusonyeka afupile ha ola yize yene kumukwata; o evwile woma wa atu, mumu anyingikine ngwo, Watele chishima chino cha kutuhisa.

Luka 20:6

Alioze kachi mutwamba ngwetu, Kuli atu; atu eswe kumatwasa mawe; mumu kanakunuka ngwo, Yoano iye profeta.

Luka 22:2

Ni asasendote akwa lutwe ni akwa kusonyeka afupile ngwe chize mahasa kumushiha; mumu evwile woma wa atu.

Yoano 5:35

Iye wapwile ndaya ya kuyila, ya kupanguka; ni yenu nwapalile ha shimbu kulikwiza mu pangu lienyi.

Yoano 9:22

Yino yuma ambile yisemi jenyi, mumu evwile woma wa A-Yunda; mumu A-Yunda halitesa kulu, hanga mweswe mamutayiza kupwa Kristu, amukatwise ku sunangonga.

Yilinga 5:26

Hohene kapitau wayile hamwe ni tupita, waanehene, alioze kaalambile; mumu evwile woma wa atu kuchina maasa mawe.