Mateu 21:23 - MUKANDA USANDU WA ZAMBI 1975

²³ Muze anjilile mu tembele, asasendote akwa lutwe ni makulwana ja atu ejile kuli iye shimbu machilongesa ngwo, Ni chiyulo chika wakulinga yino yuma? Iya wakuhele chiyulo chino?

Mukanda Wa Zambi 1970

²³ Muze Yesu hanjila mu zuwo lia Zambi, yabutuka kulongesa. Mahako a lutwe a Zambi ni makulwana ja Ayuda yaamukundama nikumuhula ngwo: “Ni chiyulo chaya wakulinga nacho yino yuma? Iya wakuhele chiyulo chino?”

Mateu 21:23 Iomraidhean Croise

Kutuhuka 2:14

Iye yamba ngwenyi, Iya wakupwisa mukwa kutuyula hanji mukwa kutupatwila milonga? Unambe kungushiha ngwe unakashiha Ka-Engitu nyi? Mose yevwa woma, ngwenyi, Chamwenemwene chuma chino hichasangiwa.

Mateu 20:4

kuli ayo wambile ngwenyi, Yénu nawa ku munda, ni cheswacho muchilita mungukanwaha. No ayile.

Mateu 21:24

Yesu waakumbulwile ngwenyi, Ni yami nawa mungunuhula chuma chimuwika, kachi munungwambulwilacho ni yami nawa chizechene mungunwambulwila chiyulo chize nakulinga nacho yino yuma.

Mateu 24:1

Yesu watuhukile mu tembele, wayile mu jila yenyi, ni tumbaji twenyi ejile kuli iye mukumwinyikina mazuwo ja tembele.

Mateu 26:55

Ha ola yize yene Yesu wambile ku mbunga ngwenyi, Nunatuhuka ngwe hali muhuza ni tutana ni mbwechi mukungukwata, nyi? Natwamine tangwa ha tangwa hamwe ni yenu nikulongesa mu tembele, mba kunwangukwachile.

Luka 19:47

Iye wapwile nikulongesa tangwa ha tangwa mu tembele, ni asasendote akwa lutwe ni akwa kusonyeka ni akwa lutwe ja atu afupile kumwonwona.

Luka 20:1

Ha tangwa limwe shimbu machilongesa atu mu tembele, nikwambujola sango lipema, asasendote akwa lutwe ni akwa kusonyeka hamwe ni makulwana ejile kuli iye.

Yilinga 4:7

Muze te haatumbika mukachi, aahulile ngwo, Ni tachi jika? Hanji mu jina lika, nunakalinga chino?

Yilinga 7:27

Alioze yoze walingile chipi kuli mwenyembo wenyi, wamuchinjile ngwenyi, Iya wakupwishile mukwa kuyula ni sopi hali yetu?