22 Ni yuma yeswe munwita ni Ufulielo ha kulemba, kumunukatambula.
22 Nyi munufuliela, munukatambula yeswe yize munwita ha kulemba.”
Cheka nawa ngunambe kuli yenu ngwami, Kachi aali a kuli yenu malikunda hano hashi ha kutwala ku chikuma chimwe chize munwita, kumakaalingilacho kuli Tata yoze uli mu malilu.
Kachi yenu, nuli api, nunanyingika kuhana yawana yipema kuli ana jenu, Shinaho chikolo Tatenu yoze uli mu malilu mahana yuma yipema kuli waze mamwita, nyi?
Etenu, mba kumanwaha; fupenu, mba kumunuwana; ngongwelenu, mba kumanwazulwila.
Kashika ngunambe kuli yenu ngwami, Yuma yeswayo munwita ha kulemba, fulielenu ngwe nunayitambula, neyo kumuyikapwa kuli yenu.
Cheswacho munwita mu jina liami, kumunguchilinga, hanga achichimieke Tata muli mwe Mwana.
Kachi munutwama muli yami, ni maliji jami matwama muli yenu, nukete cheswacho munuzanga, kumuchikapwa kuli yenu.
Ndo haliapwila kunwechile nichimwe mu jina liami; etenu, mba kumunukatambula, hanga uwahililo wenu ukazale tò.
Kashika shikisenu milonga yenu umwe kuli mukwo ni mukwo, lilembelenu umwe mukwo ni mukwo, hanga nukahinduke. Kuliumba cha mukwa ululi kuchakutakama chikolo ha kulinga chacho.
ni cheswacho mutwita, mutuchitambula kuli iye, mumu twakufunga shimbi jenyi, twakulinga yuma yize ya kupemena kumeso jenyi.