Mateu 21:21 - MUKANDA USANDU WA ZAMBI 1975

²¹ Yesu wakumbulwile, ngwenyi, Pundu ngwami, Kachi munupwa ni Ufulielo, kunushi kuyambashana, hi chino ko wika halinga ku mukuyu munulinga, alioze chipwe kachi munwamba ku mulundu uno ngwenu, Tutuluka, ulimbile mu kalunga-lwiji, kumuchikapwa.

Mukanda Wa Zambi 1970

²¹ Yesu ngwenyi: “Chamwenemwene ngunanwambulwila ngwami, nyi mumufuliela, kuyambashana ka, kunuchi kulinga wika chize hinalinga ku mutondo uno mukuyu, alioze munuhasa kwambila nawa mulundu uno ngwenu: ‘Tangumuka, ulimbile mu kalunga lwiji,’ necho kumuchibwa.

Mateu 21:21 Iomraidhean Croise

Mateu 14:29

Aye wambile ngwenyi, Tweya. Petulu wasunukine mu ulungu, wendele ha meya mukuya kuli Yesu.

Mateu 17:20

Aye yamba kuli ayo ngwenyi, Mumu ha Ufulielo wenu ukepe: mumu pundu ngunambe kuli yenu ngwami, Kachi munupwa ni Ufulielo ngwe lunona wa mosetate, munukamba ku mulundu uno ngwenu, Tutuluka kuno, uye kuze; newo kumuukatutuluka: kunuchi kachisa kenu nichimwe.

Mateu 21:20

Muze tumbaji achimwene, akomokene ngwo, Kumanyi, nikawashi Chichize mukuyu hiwoma lume chau!

Mateu 8:12

Alioze kumakambila akwa wanangana mu milima ya haze: kumukukapwa malilo ni kulikopola ku mazo.

1 Korintu 13:2

Chipwe mungupwa nikuprofeteza, chipwe mungunyingika yijimbikilo yeswe, ni yinyingi yeswe; chipwe mungupwa ni Ufulielo weswe, chocho munguhasa kututulula milundu, alioze kachi chishi zango, ngunapu wamokomoko.

Tiangu (Jake) 1:6

Alioze akete ni Ufulielo, kanda ayambashana; mumu yoze mayambashana mapwa ngwe mukanya wa ku kalunga-lwiji, wa kuhehuka ni fuji ni wa kufuza.