Mateu 21:19 - MUKANDA USANDU WA ZAMBI 1975

¹⁹ mba ha kumona mukuyu ku sesa lia jila, wakundamineko alioze kawanyineko nichimwe, shina mafwo wika; neye ngwenyi, Kanda ukema nawa mihuko ndo ku miaka ya mutolo. Haze hene mukuyu womine chau.

Mukanda Wa Zambi 1970

¹⁹ yamona mutondo mukuyu ku sesa lia jila, yakundama ko, alioze yawana ko shina mafwo wika. Yambila mutondo ngwenyi: “Kuuchi kema nawa mihuko nichimwe ndoo ku miaka yeswe!” Hazehene mukuyu yiuma weswe chau.

Mateu 21:19 Iomraidhean Croise

Izaya 5:2

Yauchipa ni kuchizamo mawe eswe, yatumbamo mitondo yipema ya uva. Yatunga kaposhi wa kalayi ha muchima wawo, yafulamo ukamino wa uva. Yatalatala ukeme uva alioze wemine uva ja mu yambu wika.

Jeremia 8:13

Yehova kanambe ngwenyi, Muze munguhela, kukushi uva ha mitondo ya uva, kukushi makuyu ha mikuyu. Chipwe mafwo homa, ni yuma yize naaheleyo muyikatuka kuli ayo.

Mateu 21:20

Muze tumbaji achimwene, akomokene ngwo, Kumanyi, nikawashi Chichize mukuyu hiwoma lume chau!

Marku 11:14

Iye wakumbulwile, ngwenyi, Niumwe kanda akalia mihuko kuli yena nawa ndo ku miaka ya mutolo. Tumbaji twenyi achivwile.

Marku 11:20

Shimbu machipalika ha chimenemene, amwene mukuyu hiwoma chau ni ku miji.

Luka 3:9

Chipwe haliapwila hanase njimbu ku miji ya mitondo; kashika mitondo yize yeswe kuyishi kwima mihuko yipema, mayipakula, mayimbila mu kahia.

Yoano 15:2

Mitango yize yeswe muli yami kuyishi kwima mihuko, mayichiza: ni mitango yize yeswe muyima mihuko, mayipemesa, hanga yikeme mihuko kuhiana.

Yoano 15:6

Kachi mutu keshi kutwama muli yami, kachi mamumbila haze ngwe mutango, iye malela, mba mayikunga, mayimbila mu kahia, yikaweme.

2 Timoteu 3:5

Kusoloka cha uwayilo kali nacho, alioze kakulikata tachi jawo: kuli wano nawa kondoloka.

Titu 1:16

Kakwamba ngwo, Tunanyingika Zambi; aiioze ni yitanga kakulikata iye, akwa kuzelwokesa, yihulia; ha kutwala ku yitanga yeswe yipema yisáshili amokomoko.

Yuda 1:12

Wano anapu yipeka mu yiteleka yenu ya zango, muze maliangana hamwe ni yenu, tufunga waze keshi woma, kakulilisa ene; malelwa aze keshi meya, a kuhungumioka kweka ni kweka ku fuji; mitondo ya lushiho kuyakakaminya, kuyinafu kaali, ya kutangumuka;

Usolwelo 22:11

Ngwami, Yoze wakulinga uhenge, akalinge uhenge nawa; ni mukwa majilo, akalipwise mukwa majilo nawa; ni mukwa ululi, akalinge ululi nawa; ni musandu, akapwe musandu nawa.