Mateu 21:16 - MUKANDA USANDU WA ZAMBI 1975

¹⁶ Ambile kuli iye ngwo, Unevu chize anambe wano, nyi? Yesu ngwenyi, Ewa, kunwatangile nilimwe tangwa ngwo, Mu makanwa ja ana-akemba ni akwa kwamwa hiwasa uhaliso ungunu.

Mukanda Wa Zambi 1970

¹⁶ No yaambila Yesu ngwo: “Unevuko yize anambe?” Yesu ngwenyi: “Ewa, kanawa. Kunwatangile nilimwe tangwa mu Mukanda wa Zambi ngwo: ‘Mu makanwa ja twanuke ni waze akwamwa mumutuhuka uhaliso,’ nyi?”

Mateu 21:16 Iomraidhean Croise

Miaso (Masamu) 8:2

Ku makanwa ja ana-akemba ni akwa kwamwa hiwakolesa ngolo, mumu hali waze akulimika ni yena, hanga uholese akwa kole ni akwa kukala.

Mateu 11:25

Ha mwaka uze Yesu wakumbulwile ngwenyi, Ngunakuhalisa Tata, Mwene wa lilu ni hashi, mumu wahengekele yino yuma kuli akwa mana ni akwa malinjekela, wayisolwele kuli ana-akemba.

Mateu 12:3

Alioze iye wambile kuli ayo ngwenyi, Kunwatangile chize alingile David, muze evwile zala, ni waze apwile hamwe nenyi, nyi?

Mateu 19:4

Waakumbulwile ngwenyi, Kunwatungile nyi, ngwe yoze waatangile chize ku uputukilo waatangile lunga ni pwo,

Mateu 22:31

Alioze ha kutwala ku uhindukilo wa afu, kunwatangile chize Zambi ahanjikile kuli yenu, nyi?

Marku 13:17

Alioze lamba kuli waze mapwa ni ufumba ni kuli waze mamwisa ana ha matangwa aze!

Marku 2:25

Iye wambile kuli ayo ngwenyi, Kunwatangile nilimwe tangwa chize alingile David, muze ahonene, evwile zala, iye, ni waze apwile hamwe nenyi?

Luka 21:23

Alioze lamba kuli waze mapwa ni ufumba ni kuli waze maamwisa ha matangwa aze! mumu kumukukapwa huli linene ha chifuchi ni utenu kuli atu ano.