Mateu 21:15 - MUKANDA USANDU WA ZAMBI 1975

¹⁵ Mba muze asasendote akwa lutwe ni akwa kusonyeka amwene yikomokeso yize alingile, ni ana aze akololokele mu tembele ngwo, Vulie! Mwana David; evwile kupiha.

Mukanda Wa Zambi 1970

¹⁵ Mahako a lutwe a Zambi ni alongeshi a Shimbi yeevwa wuli mumu ha yitanga ya kulishimwoka yize alingile Yesu, ni mumu ha kukololoka cha ana mu zuwo lia Zambi ngwo: “Vulie Mwana wa David!”

Mateu 21:15 Iomraidhean Croise

Izaya 26:11

Yehova, kwoko lie hiliazunduka, hindu kalimwene. Amone kama zango lie lia tachi hali atu je, akevwe sonyi. Kahia ka akwa kulimika ni yena kakaalalise.

Mateu 20:24

Muze kumi achivwile, evwile kupiha hali asongo-ni-mutu.

Mateu 21:23

Muze anjilile mu tembele, asasendote akwa lutwe ni makulwana ja atu ejile kuli iye shimbu machilongesa ngwo, Ni chiyulo chika wakulinga yino yuma? Iya wakuhele chiyulo chino?

Mateu 21:9

Mbunga jize angutetekelele ni jize akawile, akololokele ngwo, Vulie! Mwana David! Kufumana yoze meza mu jina lia Mwene; Vulie! mwilu mwahiana!

Mateu 22:42

ngwenyi, Kuchi nunashinginyeka hali Kristu? Mwana waya? O ngwo, Mwana David.

Mateu 26:3

Hohene asasendote akwa lutwe, ni makulwana ja atu, akungulukile ku yize ya sasendote mukwa lutwe, yoze ngwo, Kayafwa.

Mateu 26:59

Asasendote akwa lutwe ni makulwana ni akwa kuyula eswe afupile yela a mahuza hali Yesu, hanga akamushihe.

Mateu 27:1

Muze hapwile chimene, asasendote akwa lutwe ni makulwana ja atu atwamine punga Yesu, hanga amushihe.

Mateu 27:20

Achi, asasendote akwa lutwe ni makulwana akunwine mbunga hanga ete Mbarapa, akonwone Yesu.

Mateu 9:27

Muze Yesu apalikile kuze kulutwe, tupuputa aali amukawile, nikukololoka ngwo, Tuvwile kama keke, yena, mwana David.

Marku 11:18

Asasendote akwa lutwe ni akwa kusonyeka achivwile, no afupile ngwe chize mahasa kumwonwona: mumu amuvwilile woma, mumu mbunga yeswe alishimwokene ha longeso lienyi.

Luka 20:1

Ha tangwa limwe shimbu machilongesa atu mu tembele, nikwambujola sango lipema, asasendote akwa lutwe ni akwa kusonyeka hamwe ni makulwana ejile kuli iye.

Luka 22:2

Ni asasendote akwa lutwe ni akwa kusonyeka afupile ngwe chize mahasa kumushiha; mumu evwile woma wa atu.

Luka 22:66

Muze hikwacha, makulwana ja atu, e asasendote akwa lutwe ni akwa kusonyeka akungulukile; no amutwalile ku punga, ngwo,

Yoano 11:57

Achi asasendote akwa lutwe ni A-Fwariseu te hahana shimbi, kachi umwe manyingika kuze ali, kachi akachambulule, hanga akamukwate.

Yoano 12:19

A-Fwariseu kashika aliambile hakachi ko ngwo, Nunamono ngwe kunushi kulinga nichimwe; talenu, akwa hashi eswe hanayi kunyima yenyi.

Yoano 4:1

Kashika muze Mwene anyingikine ngwe A-Fwariseu hanevu ngwo, Yesu kanapu nikutayisa nikupapachisa tumbaji anji kuhiana Yoano.

Yoano 7:42

Chisoneko kuchambile ngwo, Kristu makatuka ku munyachi wa David, ni ku Mbeteleme, chihunda kuze apwile David, nyi?