Mateu 21:12 - MUKANDA USANDU WA ZAMBI 1975

¹² Yesu wanjilile mu tembele ya Zambi, Watuhwishile waze eswe alanjishile, ni waze alanjile mu tembele, walimbwile mesa ja akwa kusumbakenya mbongo, ni yitwamo ya waze alanjishile tutele.

Mukanda Wa Zambi 1970

¹² Yesu yanjila mu zuwo lia Zambi lia Ayuda, yatuhwisa mo eswe waze alanjishile ni waze alanjile, yalimbula mesa ja akwa kusumbakenya mbongo ni yitwamo ya akwa kulanjisa membe.

Mateu 21:12 Iomraidhean Croise

Kutuhuka 30:13

Eswe mapalika kuli waze hanaalula mutu mweswe akahane chino ngwo, Chihanda cha hakachi cha shekele nikulita ni shekele ya muma musandu (ye shekele kuyafwika makumi aali a ngera). Chihanda cha hakachi cha shekele chikapwe mulambu kuli Yehova.

Alevi 1:14

Nyi mulambu wenyi kuli Yehova muupwa wa tujila a kulumba, akatambule mulambu wenyi wa tutele hanji wa ana-a-membe.

Alevi 12:6

Muze matangwa jenyi a kumupemesa hahwa, apwe hali mwana wa lunga, apwe hali mwana wa pwo, akanehe kuli sasendote ku chikolo cha mbalaka ya chikungulwila mwana-panga wa mwaka umuwika akapwe mulambu wa kulumba. Akahane nawa mwana-liembe, hanji katele, akapwe mulambu ha shili.

Alevi 12:8

Nyi kahashile kulanda mwana-panga, akande tutele aali, hanji ana-a-membe aali, umwe akapwe mulambu wa kulumba, mukwo akapwe mulambu ha shili. Mwe sasendote mamufukila shili mba makapema.

Alevi 14:22

Akanehe tutele aali hanji ana-a-membe aali aze mahasa kuwana, umwe mulambu ha shili, mukwo mulambu wa kulumba.

Alevi 14:30

Mba akalambule mwana-liembe hanji katele aze hahasa kwawana.

Alevi 15:14

Ha tangwa liamuchinake akande tutele aali hanji ana-a-membe aali akanjile kumeso ja Yehova ku chikolo cha mbalaka ya chikungulwila akaahane kuli sasendote.

Alevi 15:29

Ha tangwa liamuchinake akande tutele aali hanji ana-a-membe aali, akaatwale kuli sasendote ku chikolo cha mbalaka ya chikungulwila.

Alevi 5:11

Nyi kahashile kuneha tutele aali, hanji ana-a-membe aali, mba akanehe mulambu wenyi ha uhie wenyi, ngwami, Chihanda chimuwika cha ku kumi lia yihanda ya efa ya wunga wafufunuka ukapwe mulambu ha shili. Kanda asaho maji niamwe, chipwe libano, mumu mulambu ha shili.

Alevi 5:7

Nyi kahashile kuneha mwana-panga akanehe kuli Yehova mulambu wa uhie ha mutonga havulumuna, tutele aali, hanji ana-a-membe aali, umwe akapwe mulambu ha shili, mukwo mulambu wa kulumba.

Marku 11:11

Iye ha kunjila mu Yerusaleme wayile ku tembele; muze te hakengesa ha yuma yeswe, se hapwile chingoloshi, watuhukile akaye ku Mbetaniya hamwe ni kumi ni aali.

Luka 2:24

akahane chitapo nikulita ni chize anambe mu shimbi ya Mwene ngwo, Tutele aali, hanji ana aali a membe.

Yoano 2:13

Chizomboka cha A-Yunda muchikundama, mba Yesu wakandukile ku Yerusaleme.