Mateu 21:1 - MUKANDA USANDU WA ZAMBI 1975

¹ Mba muze akundamine ku Yerusaleme, haheta ku Mbetefweje, ku mulundu wa Olevwe, hohene Yesu watumine tumbaji aali,

Mukanda Wa Zambi 1970

¹ Muze haakundama ku Yerusaleme, yaaheta ku chihunda cha Betfaje ha mwanda wa mulundu wa Olive, Yesu yatuma tumbaji twenyi aali kulutwe,

Mateu 21:1 Iomraidhean Croise

Zakaria 14:4

Ha tangwa lize yiliato yenyi muyikamana ha mulundu wa Olevwe uze uli kulutwe lia Yerusaleme sali lia ku Chivumbuko. Mulundu wa Olevwe muukapulika yihanda yiali chize ku sali lia Chivumbuko ndo ku sali lia Chitokelo ngwe mungulunga unene chikolo, chocho chihanda chimuwika cha mulundu muchisetuka ku Norte ni chihanda chikwo ku Sule.

Mateu 20:34

Yesu, se haavwila keke, wasele minwe ha meso jo; haze hene alawile ku meso, mba amukawile.

Mateu 21:2

ngwenyi, Yénu, nukanjile mu chihunda chize cha kulitalangana ni yenu, haze hene kumunukawana chimbulu wa kukasa hamwe ni mwanenyi: nukaajitule, nukaanehe kuli yami.

Mateu 24:3

Shimbu machitwama ha mulundu wa Olevwe, tumbaji twenyi ejile kuli iye ukawo, nikwamba ngwo, Twambulwile kama, mwiji muka yuma yino muyikapwa? Chilayi cha kuheta che chika, ni cha kumanunuka cha mwaka?

Mateu 26:30

Mba muze te hemba mwaso, atuhukile kuya ku mulundu wa Olevwe.

Marku 13:3

Mba shimbu atwamine ha mulundu wa Olevwe, hatalanganyi ni tembele, Petulu ni Tiangu ni Yoano ni Andeleu amuhulile ukawo ngwo,

Marku 14:26

Muze te hemba mwaso, atuhukile mukuya ku mulundu wa Olevwe.

Luka 21:37

Ni tangwa ha tangwa, wapwile nikulongesa mu tembele; ni ufuku ha ufuku wapwile nikutuhwoka nikuuhwisa ha mulundu uze ngwo, Olevwe.

Luka 22:39

Iye watuhukile, wayile ngwe ndako yenyi ku mulundu wa Olevwe; ni tumbaji nawa amukawile.

Yoano 8:1

alioze Yesu wayile ku mulundu wa Olevwe.

Yilinga 1:12

Hohene ahilukile ku Yerusaleme, ku mulundu uze Olevwe, uze uli hakamwihi ni Yerusaleme, wenyi wa Sambata kuhetako.