Mateu 20:26 - MUKANDA USANDU WA ZAMBI 1975

²⁶ Alioze kuchichi kapwa chocho hakachi kenu, alioze mweswawo mazanga kupwa munene hakachi kenu, akapwe kavumbi kenu.

Mukanda Wa Zambi 1970

²⁶ Alioze hi chocho ko hakachi kenu. Nyi umwe hakachi kenu mazanga kubwa munene, chamutamba kubwa kavumbi kenu.

Mateu 20:26 Iomraidhean Croise

Ezekiel 24:13

Ngengeya yamo ayo usolo wenu wa luchisa. Ami nazangile kunupemesa, ni yenu kunwapemene ku luchisa wenu, kashika yenu kunuchi kapema nawa ndo mungukahwisa ufwatulo wami hali yenu.

Mateu 20:27

Mweswawo mazanga kupwa mutangu hakachi kenu, akapwe mukwa kunulingila.

Mateu 25:44

Hohene o nawa makakumbulula ngwo, Mwene, mwiji muka twakumwene ni zala, hanji ni pwila, hanji chilambala, hanji ni uvu, hanji ni kuyiza, hanji mu zuwo lia ususu, kutwakuvumbikile?

Mateu 27:55

Kwapwile kuze mapwo anji, kanamutalila kusuku, waze te akawile Yesu katu ku Ngalileya, nikumuvumbika.

Marku 10:43

Alioze hi chocho ko hakachi kenu: mweswawo mazanga kupwa munene hakachi kenu, akapwe kavumbi kenu;

Marku 10:45

Mumu mwe Mwana Mutu nawa kejileko akamuvumbike, alioze mukuvumbika, akahane mwono wenyi ndando ya ukule hali anji.

Marku 9:35

Iye watwamine, watambikile kumi ni aali; iye yamba kuli ayo ngwenyi, Kachi umwe mazanga kupwa mutangu, akapwe kasulasongo ka eswe, ni kavumbi ka eswe.

Luka 18:14

Ngunambe kuli yenu ngwami, Yono wapalumukine ku zuwo lienyi mukwa kusamba, hi mukwo ko. Ni mweswe malinangamisa makanuhetesa; alioze yoze malilelesa kumakamunangamisa.

Luka 22:26

Alioze ni yenu kuchapwile chocho; alioze yoze munene Wahiana eswe hakachi kenu, akapwe ngwe kanuke; ni mukwa lutwe akapwe ngwe yoze wakuvumbika.

Yoano 18:36

Yesu wakumbulwile ngwenyi, Wanangana wami hi wa hashi ko: kachi wanangana wami muupwa wa hashi, kachi tumbaji twami malitachika, hanga kechi kangukunjika kuli A-Yunda: alioze haliapwila wanangana wami hi wa hano ko.

Yilinga 13:5

Ni muze apwile ku Salamina, ambujolele liji lia Zambi mu masunangonga ja A-Yunda; o apwile ni Yoano nawa ngwe kambaji ko.

2 Korintu 1:24

Kuchapwile ngwe twakuyula Ufulielo wenu, alioze tuli yikwashi ya uwahililo wenu: mumu ku Ufulielo nunamana.

2 Timoteu 1:18

(Mwene akamwehe kuwana keke kuli Mwene ha tangwa lize;) ni uvumbiko wunji upwa haha wanguvumbikile nawo mu Efwesu, yena kuunanyingika kanawa.

Filemu 1:13

Nazangile kachi asale hamwe ni yami, hanga akakusalakane ha kunguvumbika mu makana ja sango lipema.

Hebreu 1:14

O eswe te hi maspiritu a kuvumbika ko, a kutumiwa mukuvumbika, mumu hali waze makahinga ulamwino, nyi?

1 Petulu 4:11

Kachi umwe mahanjika ahanjike ngwe iye liji lia Zambi; kachi umwe mavumbika, avumbike ngwe ku ngolo jize akumwaha Zambi: hanga mu yuma yeswe achichimieke Zambi ku tachi ja Yesu Kristu, yoze uhenya ni ndundo niyenyi ndo ku miaka yeswe ya mutolo. Amene.

1 Petulu 5:3

Kanda nulipwisa ngwe ene hali waze hananukunjika, aiioze nikulipwisa yeseko ya mbunga.

Usolwelo 17:6

Namwene pwo kanazengewa ni manyinga ja asandu, ni manyinga ja yela ja Yesu. Muze namumwene, nakomokene ni kukomoka chinene.