Mateu 20:22 - MUKANDA USANDU WA ZAMBI 1975

²² Alioze Yesu wakumbulwile ngwenvi, Kunwanyingikine chize nunechi. Munuhasa kunwa musenge uze mungunwa yami, nyi? Munuhasa kutambula upapachiso uze mangupapachisa nawo, nyi? Ngwo, Mutuhasa.

Mukanda Wa Zambi 1970

²² Yesu ngwenyi: “Kunwanyingikine chize nunechi. Munuhasa kunwa musenge wa lamba uze mungunwa yami, nyi?” No yaamukumbulula ngwo: “Mutuhasa.”

Mateu 20:22 Iomraidhean Croise

Miaso (Masamu) 75:3

Hashi hanasangunuka hamuwika ni waze atwamaho. Yami namikine manguji jaho.(Litulike.)

Yishima 16:18

Kulengumuka kuchakutetekela kunonga. Mbunge ya kulizata yatwala ku kulimbuka.

Izaya 51:17

Ena Yerusaleme hiwanwa ku kwoko lia Yehova we musenge wa ufwatulo wenyi, hiwanwa ndo ku yishikwa musenge wa kupiepietesa. Kasumuka! Kasumuka umane ha molu.

Izaya 51:22

Mwene we, Yehova Zambi ye, mukwa kuhakwila atu jenyi kanambe ngwenyi, Hinachiza ku kwoko lie we musenge wa kupiepietesa, musenge wa ufwatulo wami kuchi kuunwa nawa.

Jeremia 49:12

Mumu Yehova kanambe ngwenyi, Nyi waze musenge uno kuwaatele chaatamba kuunwa, enu te munuya ni kastigu ka? Kunuchi kuya ni kastigu ka. Chanutamba kunwa.

Mateu 26:35

Petulu ngwenyi, Chipwe mungufwa hamwe ni yena, chichi kalikala yena nichimwe. Chizechene nawa ambile tumbaji eswe.

Mateu 26:39

Wasosolokele kulutwe hakepe, wafulamanyine nikulemba ngwenyi, Tata, nyi muchitá, musenge uno ukatuke kuli yami: hindu kanda chikapwa ngwe yami ngunapale, alioze ngwe yena unapale.

Mateu 26:42

Cheka nawa chisuho chamuchiali wasosolokele, walembele ngwenyi, Tata, kachi musenge uno kuushi kuhasa kukatuka kuli yami, shina munguunwa, upale we ulingiwe.

Mateu 26:56

Alioze yino yuma yeswe yapwile, hanga yisoneko ya aprofeta yikamanunuke. Hohene tumbaji eswe amwehukile, achinyine.

Marku 14:36

Iye wambile ngwenyi, Ta-ta, Tata, yena unahase yuma yeswe; Chiza kama musenge uno kuli yami: hindu kanda chikapwa chize ngunapale yami, alioze chize yena unapale.

Luka 12:50

Alioze upapachiso nguli nawo akangupapachise nawo; ngunalishinyika Chichize ndo muumanunuka!

Luka 22:42

Tata, kachi unapale, Chiza kama musenge uno kuli yami, hindu hi upale wami ko, alioze niwe, ukalingiwe.

Yoano 18:11

Yesu kashika wambile kuli Petulu ngwenyi, Tomeka katana ke mu chindalo: musenge uze anguhele Tata chichi kuunwa, nyi?

A-ROMA 8:26

Chizechene Spiritu nawa kakukwasa ulelu wetu: mumu kutwanyingikine kulemba ngwe chinalite; alioze Spiritu iye mwene kakutuhakwila ni mikuma yize keshi kuhasa kuyihanjika;

Tiangu (Jake) 4:3

Nwakwita aiioze kunushi kutambula, mumu nwakwita ha yipi, hanga nukachihwise ha usolo wenu.