Mateu 20:19 - MUKANDA USANDU WA ZAMBI 1975

¹⁹ kumakamukunjika kuli akwa mavungu mukumukekuna, akamulambe ni shikote, akamuhachile ha kulusu: ni ha tangwa liamuchitatu kumakahinduka.

Mukanda Wa Zambi 1970

¹⁹ maakamukunjika kuli yilambala. No maakamukekuna, maakamulamba ni fimbo (shikote), maakamuhata ha kulusu. Alioze ha tangwa lia muchitatu Zambi makamuhindwisa.”

Mateu 20:19 Iomraidhean Croise

Jobe 30:8

Hanaawapula nikwahuma mu chifuchi, keshi mana, keshi lufuma.

Miaso (Masamu) 35:16

Ngwe yijiluke aze akulenya ha kutambula kulia, alikopwele mazo jo hali yami.

Izaya 26:19

Afu je matwama ni mwono, mijimba yo muyihinduka. Enu nwaya ku fufuta, laulenu nukembe ni uwahililo! Mumu mume we wapwa wa pangu, mba ha chifuchi cha yizulie muuhinjila.

Izaya 53:3

Amulelesele, alitunyineye kuli atu. Iye mukwa yinyengo, mukwa kulijilila ni chikulikuli; ngwe umwe atu mamuswekela meso jo, chocho amulelesele. Etu kutwamusele mbunge.

Hosea 6:2

Kulutwe lia matangwa aali matuhuzulula; ha tangwa liamuchitatu matuhindwisa, hanga tukende kumeso jenyi.

Mateu 12:40

mumu chizechene ngwe Yona wapwile matangwa atatu ni ufuku utatu mu jimo lia yishi munene; chocho mwe Mwana Mutu kumakapwa mushi lia mavu matangwa atatu ni ufuku utatu.

Mateu 16:21

Chize ku mwaka uze Yesu waputukile kulweza kuli tumbaji twenyi, ngwe chamutamba kuya ku Yerusaleme, nikwivwa lamba linji kuli makulwana ni asasendote akwa lutwe ni akwa kusonyeka, akamushihe, ni ha tangwa liamuchitatu akamuhindwise.

Mateu 17:23

kumakamushiha, mba ha tangwa liamuchitatu kumakahinduka. Evwile chikolo chinyengo.

Mateu 27:26

Hohene watuswile kuli ayo Mbarapa; alioze walambile Yesu ni shikote, mba wamukunjikile hanga amuhachile ha kulusu.

Mateu 27:63

ngwo, Mwene, tunewuluka yono mukwa kwonga wambile shimbu achili ni mwono ngwenyi, Kulutwe lia matangwa atatu munguhinduka.

Marku 14:65

Mba amwe aputukile kumufwila mate, nikutuka meso jenyi, nikumumbufula, nikwamba kuli iye ngwo, Profeteza: ni tupita amulambile mbangala.

Marku 15:1

Haze hene ha chimenemene, asasendote akwa lutwe hamwe ni makulwana ni akwa kusonyeka, ni akwa kuyula, yatwama punga, yakasa Yesu, yamutwala, yamukunjika kuli Pilatu.

Marku 15:15

Mba Pilatu se wapalile kuhutula mbunga, waatuswilile Mbarapa, wakunjikile Yesu, muze te hamulamba ni shikote, hanga akamuhachile ha kulusu.

Luka 18:32

Mumu kumakamukunjika kuli akwa mavungu, makamukekuna, makamulinga chipi, makamufwila mate;

Luka 23:11

Heronde hamwe ni mbunga ya maswalale jenyi amulelesele, amulenyene, nikumujika hina lia mukambo lia uhenya, amuhilwishile nawa kuli Pilatu.

Luka 24:46

Iye wambile kuli ayo ngwenyi, Chocho chinasonewa, ni chocho chatamba Kristu kwivwa lamba ni kuhinduka hakachi ka afu ha tangwa liamuchitatu;

Yilinga 2:23

iye, se amukunjikile kushi nikulita ni upale ni chinyingi cha Zambi, yenu nikumukwata ni moko ja yingulungulu, hinunamuhachila ha kulusu, hinunamushihi;

Yilinga 21:11

Iye yeza kuli yetu, yanda muya wa Paulu, yalikasa moko jenyi ni molu jenyi mwene, yamba ngwenyi, Chocho anambe Spiritu Musandu ngwenyi, Chocho A-Yunda a mu Yerusaleme kumakasa mwenya muya uno, kumamukunjika ku moko ja akwa mavungu.

Yilinga 4:27

mumu chamwenemwene mu limbo lino, mukulimika ni Kavumbi ke Musandu Yesu, yoze wamuwayishile ni maji, ni Heronde ni Ponteu Pilatu, hamwe ni akwa mavungu ni atu a mu Izalele, akungulukile,