Mateu 20:15 - MUKANDA USANDU WA ZAMBI 1975

¹⁵ Kuchalitele ni shimbi hali yami kulinga chize ngunapale ni yuma ya yami mwene, nyi? Shina liso lie liapwa lipi, mumu yami nguli mupema?

Mukanda Wa Zambi 1970

¹⁵ Chishi chiyulo cha kulinga chize ngunazange ni ubite wami, nyi? Hanji Unevu ukwa mumu hinaaha jinji, nyi?’ ”

Mateu 20:15 Iomraidhean Croise

Kutuhuka 33:19

Ngwenyi, Mungupalikisa kumeso je utu wami weswe. Mungwambulula jina lia Yehova kumeso je. Mungukapwa mukwa vumbi kuli mweswawo mungukamuvwilalio. Mungukulweza keke kuli mweswawo tnungukamulwezayo.

Yishima 23:6

Kanda utambula kulia cha yoze uli ni liso lipi; kanda uzanga kulia chenyi chipema.

Yishima 28:22

Yoze uli ni liso lipi mahanga upite fujifuji; kanyingikine ngwenyi, Uswale muunguwana.

Jeremia 18:6

Yehova kanambe ngwenyi, Enu akwa munyachi wa Izalele, te Chahashile kulinga ni yenu ngwe yono tengi hajinga? Chize chapwa uma mu moko ja tengi chocho nwapwa yenu mu moko jami enu akwa munyachi wa Izalele.

Mateu 11:25

Ha mwaka uze Yesu wakumbulwile ngwenyi, Ngunakuhalisa Tata, Mwene wa lilu ni hashi, mumu wahengekele yino yuma kuli akwa mana ni akwa malinjekela, wayisolwele kuli ana-akemba.

Mateu 20:14

Anda yoze niwe, yako kwe; upale wami kuhana kuli yono mukwa kusula chizechene ngwe kuli yena.

Mateu 6:23

Alioze kachi liso lie mulipwa lipi, kachi mujimba we weswe muuzala tò ni milima. Kashika kachi pangu lize lili muli yena mulipwa milima, milima yipwa haha!

Marku 7:22

ni kuzo, ni ungulungulu, ni kalimbalimba, ni ujila, ni liso lipi, ni kushililika, ni kulizelula, ni uzuzuke:

Yoano 17:2

Chizechene ngwe wamuhele chiyulo helu lia atu eswe, hanga akahane mwono wa mutolo kuli waze eswe hiunamwehe.

Yilinga 13:45

Alioze muze A-Yunda amwene mbunga, azalile tò ni ukwa, ahamikine yuma yize ahanjikile Paulu, nikushililika.

1 Korintu 4:7

Kulipwila chino, iya wakuhelecho? Chika uli nacho chize kwachitambwile? Alioze kachi wachitambwile kuchi te unalisambe ngwe kwachitambwile?

Efesu 1:11

Muli iye nawa hanatupwisa chihinga, se atufunjikile shimbu te miaka kanda yipwa, nikulita ni kupala cha yoze wakulingisa yuma yeswe nikulita ni mana ja upale wenyi;

Efesu 2:1

Ni yenu nwapwile afu mu Utanguko wenu ni mu milonga yenu,

Efesu 2:5

chipwe muze twapwile afu mu milonga yetu, hanatupwisa ni mwono hamwe ni Kristu (ku vumbi hananulamwina).

Shimbi 15:9

Kanyamenu, kanda lipwa mu mbunge jenu nyonga ha uzazali ngwenu, Mwaka wamuchishimbiali, we mwaka wa kutusula unahete, meso jenu mapwa api kuli mukwenu chiswale, mba kunuchi kumwaha nichimwe, iye nikuteta kuli Yehova mumu hali yenu, muchipwa mulonga kuli yenu.

Shimbi 28:54

Lunga mukwa sonyi ni mukwa ngenye hakachi kenu, meso jenyi makapwa api kuli mukwo, ni kuli pwo yoze amuzanga, ni kuli ana jenyi anamusalila.

Tiangu (Jake) 1:18

Nikulita ni upale wenyi mwene watusemene ku liji lia umwenemwene; hanga tukapwe mulali umwe wa mihuko yitangu ya ku yitanga yenyi.

Tiangu (Jake) 5:9

Kanda nulinyenyeta mandumbu, umwe hali mukwo ni mukwo, hanga kechi kanupatwila: Sopi kanamana ku pito.