Mateu 20:12 - MUKANDA USANDU WA ZAMBI 1975

¹² Ngwo, Wano akwa kusula halinga ola yimuwika mba hiwaatesa hamuwika ni yetu twanyongononanga ndusu ha chivukuminya cha mwalwa.

Mukanda Wa Zambi 1970

¹² ‘Puu! Waze asula ola yimuwika lume haalinga. Alioze yena hiwaafweta ngwe yetu twalinganga tangwa lia muundu mu chivukuminya cha tangwa!’

Mateu 20:12 Iomraidhean Croise

Yona 4:8

Mba muze tangwa hiliavumbuka, Zambi yalulika fuji ya chivukuminya ya ku Chivumbuko, ni mwalwa yiutwa ha mutwe wa Yona. Yalezumuka, yeta kuli Zambi akafwe mumu yamba ngwenyi, Kuli yami Shinaho kutwa hi mwono ko.

Malaki 1:13

Nwakwamba ngwenu, Ayi yikatalo yipwa haha. Mba nwakunyekununa. Chocho kanambe Yehova-wa-Tujita. Nwakuneha waze akwachika hanji yitonji, hanji akwa misongo; chenacho nwakuneha mulambu! Te munguchitambula ku kwoko lie? Chocho kanambe Yehova.

Malaki 3:14

Hinwamba ngwenu, Kulingila Zambi, chamokomoko. Chika mutufumbula ha kufunga shimbi jenyi, hanji kwenda kumeso ja Yehova-wa-Tujita nikulinyenga?

Mateu 20:11

Muze amutambwile, alinyenyetene hali mwenya zuwo.

Luka 12:55

Muze fuji ya ku Sule muyiza, ngwenu, Chivukuminya kumuchiza, ni chocho muchipwa.

A-ROMA 3:27

Mba kulisamba Chilihi? Hanachiajila haze. Ku shimbi yika? Ya yitanga, nyi? Ka, pundu: alioze ku shimbi ya Ufulielo.

A-ROMA 3:30

se iye Zambi umuwika, yoze makasambisa ngalami ku Ufulielo, masambisa yilima ku Ufulielo.

1 Korintu 4:11

Chipwe ndo ku ola yino, twakwivwa zala ni pwila, tuli ni uvu, kakutumbufula, tunendangana, kutushi zuwo;

Efesu 3:6

Ngwo, Akwa mavungu kanapu maswana-ni-akwo, ni yihanda-ni-yikwo ya mujimba umuwika, ni akwa kuliangana-ni-akwo cha chilakenyo muli Kristu Yesu ku sango lipema.

Tiangu (Jake) 1:11

Mumu tangwa mulivumbuka ni chivukuminya chalio, mulilelesa mwambu; ni chitemo chawo muchiholoka, ni upeme wacho muuhwa: chocho pichi nawa makajimuka mu mawende jenyi.