Mateu 2:4 - MUKANDA USANDU WA ZAMBI 1975

⁴ Ha kukungulula asasendote akwa lutwe eswe, ni akwa kusonyeka ja atu, waahulile kuze Kristu masemukina.

Mukanda Wa Zambi 1970

⁴ Yakungulula mahako a lutwe a Zambi eswe ni alongeshi a Shimbi. Yaahula ngwenyi: “Chilamwina yoze Zambi alakenyene, kulihi chamutamba kusemukina?”

Mateu 2:4 Iomraidhean Croise

2 Sango Ja Mianangana 34:13

Alayilile nawa akwa yiteli, nikwendesa milimo yeswe yeka ni yeka. Akwa kusonyeka, ni tupita, ni akwa mapito, eswe apwile a kuli A-Levi.

2 Sango Ja Mianangana 34:15

Hilekia yamba kuli Shafane mukwa kusonyeka ngwenyi, Hinawana mukanda wa shimbi mu zuwo lia Yehova. Hilekia yahana mukanda kuli Shafane.

2 Sango Ja Mianangana 36:14

Chikwo nawa asasendote akwa lutwe eswe, ni e atu avulumwine chikolo nikulita ni yizelwokeso yeswe ya mavungu. Yachisa zuwo lia Yehova lize iye te hasela ku usandu mu Yerusaleme.

Ezra 10:5

Mba Ezera yakatuka yashingisa akwa lutwe ja asasendote, ni A-Levi, ni A-Izalele eswe ngwo, Mutulinga liji lino. O yalishinga.

Ezra 7:6

yono Ezera yakatuka ku Babilonia, mukwa kusonyeka wa kujama mu milimo ya shimbi ja Mose jize Yehova Zambi ya Izalele wahanyine. Mwanangana yamwaha yeswe echile nikulita ni kwoko lia Yehova Zambi yenyi hali iye.

Nehemia 12:7

ni Salu, ni Amoke, ni Hilekia, ni Jedaia. Wano te akwa lutwe ja asasendote ni usoko wo ha matangwa ja Yeshua.

Miaso (Masamu) 2:2

Mianangana a hashi kakulilonga; akwa kuyula kakutwama punga ya kulimika ni Yehova ni yoze amuwayishile ni maji kuli iye, ngwo,

Jeremia 8:8

Kuchi munuhasa kwamba ngwenu, Tuli akwa mana, ni shimbi ya Yehova tuli nayo? Talenu chisonekeso cha kwonga cha akwa kusonyeka hichinayalumuna mu mahuza.

Malaki 2:7

Mumu mivumbo ya sasendote chatamba kufunga yinyingi. Chatamba atu akafupe shimbi ku kanwa lienyi, mumu iye kanganda ka Yehova-wa-Tujita.

Mateu 13:52

Wambile kuli ayo ngwenyi, Kashika mukwa kusonyeka mweswe wakufumbiwa ku wanangana wa malilu, kanapu ngwe mwenya zuwo, yoze masolola ku upite wenyi yuma yaha ni yuma yikulu.

Mateu 2:3

Muze mwanangana Heronde achivwile, walipikalile, ni A-Yerusaleme eswe hamwe nenyi.

Mateu 2:5

No ambile kuli iye ngwo, Mu Mbeteleme, chihunda cha mu Yundeya; mumu chocho chinasonewa ni kwoko lia profeta ngwenyi,

Mateu 21:15

Mba muze asasendote akwa lutwe ni akwa kusonyeka amwene yikomokeso yize alingile, ni ana aze akololokele mu tembele ngwo, Vulie! Mwana David; evwile kupiha.

Mateu 21:23

Muze anjilile mu tembele, asasendote akwa lutwe ni makulwana ja atu ejile kuli iye shimbu machilongesa ngwo, Ni chiyulo chika wakulinga yino yuma? Iya wakuhele chiyulo chino?

Mateu 26:3

Hohene asasendote akwa lutwe, ni makulwana ja atu, akungulukile ku yize ya sasendote mukwa lutwe, yoze ngwo, Kayafwa.

Mateu 26:47

Shimbu machihanjika, Yundase, umwe wa kuli kumi ni aali, wejile, ni hamwe nenyi mbunga yinene ni tutana ni mbwechi, a kuli asasendote akwa lutwe ni makulwana ja atu.

Mateu 27:1

Muze hapwile chimene, asasendote akwa lutwe ni makulwana ja atu atwamine punga Yesu, hanga amushihe.

Mateu 7:29

Mumu waalongesele ngwe umwe ukwete chiyulo, hi ngwe akwa kusonyeka ko.

Marku 8:31

Iye waputukile kwalongesa, ngwenyi, Chatamba mwe Mwana Mutu kwivwa lamba linji, akalituneye kuli makulwana, ni kuli asasendote akwa lutwe, ni kuli akwa kusonyeka, akamushihe, ni kulutwe lia matangwa atatu akahinduke.

Luka 20:19

Asasendote akwa lutwe ni akwa kusonyeka afupile ha ola yize yene kumukwata; o evwile woma wa atu, mumu anyingikine ngwo, Watele chishima chino cha kutuhisa.

Luka 23:10

Asasendote akwa lutwe ni akwa kusonyeka amanyine nikumusuma chikolo.

Yoano 18:3

Yundase kashika te hatambula mbunga ya atu ni tupita kuli asasendote akwa lutwe ni A-Fwariseu, yaheta kuze ni masoka ni temo ni yitwa.

Yoano 3:10

Yesu wamukumbulwile ngwenyi, Yena uli mwe longeshi wa A-Izalele hindu kwanyingikine yino yuma, nyi?

Yoano 7:32

A-Fwariseu evwile mbunga nikulinyenyeta yino yuma ha kutwala kuli iye; asasendote akwa lutwe ni A-Fwariseu atumine tupita, hanga akamukwate.

Yoano 8:3

Ni akwa kusonyeka ni A-Fwariseu yaneha pwo amukwachile mu utanji, ni muze te hamusa mukachi ko,

Yilinga 23:9

Kwapwile zungo linene: mba amwe akwa kusonyeka a kuli A-Fwariseu akatukile nikulihangulula chikolo, ngwo, Kutwawanyine yipi muli yono mutu: kachi Spiritu hanahanjika kuli iye, hanji mungelo, kanda tulitachika ni Zambi.

Yilinga 4:5

Muze hikwacha akwa kuyula jo ni makulwana ni akwa kusonyeka akungulukile ku Yerusaleme.

Yilinga 6:12

O avundwile atu, ni makulwana, ni akwa kusonyeka, yalundumuka hali iye, yamukwata, yamuneha kumeso ja akwa kuyula.