Mateu 2:2 - MUKANDA USANDU WA ZAMBI 1975

² ngwo, Ulihi yoze unasemuka Mwanangana wa A-Yunda? Mumu twamwene lutongonoshi wenyi mu Chivumbuko, hitweza mukumuwayila.

Mukanda Wa Zambi 1970

² Yaahula ngwo: “Ulihi mwana yoze unakasemuka, yoze makabwa mwanangana wa Ayuda? Tunakamona lutongonoshi wenyi nikusoloka ku chivumbuko. Hitweza ni kumuwayila.”

Mateu 2:2 Iomraidhean Croise

Miaso (Masamu) 2:6

Hindu yami hingunawayisa ni maji mwanangana wami ha Zaione, we mulundu wami lisandu.

Miaso (Masamu) 45:11

Mba mwanangana mazanga upeme we, mumu iye Mwene we; umuwayile.

Izaya 60:3

Mavungu makeza ku pangu lienu, mianangana makeza ku kupanguluka cha kuvumbuka chenu.

Jeremia 23:5

Yehova kanambe ngwenyi, Matangwa kaneza muze mungukasolola hali David Mutango wa ululi, mba iye kumakapwa mwanangana wa kuyula, nikulinga ni mana, ni kupatula ni kulita ni ululi mu chifuchi.

Jeremia 30:9

Alioze makalingila Yehova Zambi yo ni David mwanangana wo yoze mungusolola mumu hali ayo.

Zakaria 9:9

Ena mwana-pwo Zaione, Wahilila chikolo! Ena mwana-pwo Yerusaleme, likwize! Mwanangana wenu kaneza kuli yenu; aye mukwa kukangana, mukwa kukumba, hindu kanalikehesa, kanende hali chimbulu, te hali mwana-chimbulu wa kusemuka kuli chimbulu.

Kwalula 24:17

Ngunamumono, ahoze hi haliapwila ko; ngunamutale, ahoze hi hakamwihi ko: Kumukuvumbuka Lutongonoshi wa kuli Yakomba, Lukanda kumakasoloka muli Izalele. Kumakalemeka ndusu mahuma ja A-Moape. Kumakanunguna ana eswe a Shete.

Mateu 2:3

Muze mwanangana Heronde achivwile, walipikalile, ni A-Yerusaleme eswe hamwe nenyi.

Mateu 21:5

Ambenu kuli mwana wa Zaione, ngwenu, Tala, Mwanangana we meza kuli yena, Mukwa kushimbika, kanende ha chimbulu, Kanende ha musamba wa chimbulu.

Mateu 27:11

Alioze Yesu wamanyine kumeso ja nguvulu: nguvulu wamuhulile ngwenyi, Yena uli mwanangana wa A-Yunda, nyi? Yesu wambile kuli iye ngwenyi, Yena wachamba.

Luka 19:38

ngwo, Kawaha Mwanangana yoze meza mu jina lia Mwene: sambukila mwilu, ni uhenya mwilu mwahiana.

Luka 2:11

Mumu musono, mu limbo lia David, Chilamwina kanasemuka kuli yenu, iye Kristu mwe Mwene.

Luka 23:3

Pilatu wamuhulile ngwenyi, Mwanangana wa A-Yunda yena, nyi? Iye wakumbulwile ngwenyi, Yena unambe.

Luka 23:38

Kwapwile nawa chisoneko helu lienyi ngwo, Yono Mwe Mwanangana wa A-Yunda.

Yoano 1:49

Natanele wamukumbulwile ngwenyi, Longeshi, mwe Mwana Zambi yena; mwe Mwanangana wa Izalele yena.

Yoano 12:13

anjile mitango ya mingaji, atuhukile mukumupatwiza, nikukololoka ngwo, Vulie! Kafumana yoze meza mu jina lia Mwene! mwe Mwanangana wa Izalele!

Yoano 18:37

Pilatu kashika wambile kuli iye ngwenyi, Mba yena uli mwanangana, nyi? Yesu wakumbulwile ngwenyi, Yena unachambe ngwe, Uli mwanangana. Ha chino nasemukine, ni ha chino hinguneza hano hashi, hanga ngukashindakenye ha umwenemwene. Mweswe wa ku umwenemwene mevwa liji liami.

Yoano 19:19

Pilatu wasonekene jina nawa, nikulisa ha kulusu. Kwasonewene ngwo, Yesu Ka-Nazare, Mwe Mwanangana wa A-Yunda.

Yoano 20:28

Tomase wamukumbulwile ngwenyi, Mwene wami kanda Zambi yami.

Yoano 5:23

hanga eswe akalemese mwe Mwana, chizechene ngwe akulemesa mwe Tata. Yoze keshi kulemesa mwe Mwana keshi kulemesa mwe Tata, yoze wamutumine.

Yoano 9:38

Iye wambile ngwenyi, Ngunafuliela, Mwene. Wamuwayilile.

Hebreu 1:6

Cheka nawa muze maneha mutangu hano hashi mamba ngwenyi, Ni angelo eswe a Zambi amuwayile.

Usolwelo 22:16

Yami Yesu hingunatumu mungelo wami mukushindakenya yino yuma kuli yenu mu yikungulwila. Yami nguli che chikota, mwe Mwana wa David, we mutumbu wa kutemuka.