Mateu 2:16 - MUKANDA USANDU WA ZAMBI 1975

¹⁶ Hohene Heronde, muze amwene ngwe akwa mana hamulelesa, wevwile chikolo ufwatulo, mba watumine, akashihe ana-malunga eswe mu Mbeteleme, ni manjiza jacho eswe, chize ku miaka yiali ni waze kanda aheta ku miaka yiali, nikulita ni tangwa lize wevwile pundu kuli akwa mana.

Mukanda Wa Zambi 1970

¹⁶ Muze Herode hanyingika ngwenyi, akwa mana haamulenya, yevwa ufwatulo, yahana Shimbi ya kushiha ana malunga a mu Betleheme ni a mu chifuchi cha kusulangana a miaka yaali ni waze kanda achiheta ku miaka yaali, nikulita ni tangwa lize amulwezele akwa mana.

Mateu 2:16 Iomraidhean Croise

Ubutukilo 39:14

iye yasanyika malunga a mu zuwo lienyi, yahanjika no ngwenyi, Tala, hananeha yono Ka-Hepreu atuyunge. Kanjilanga akapombe ni yami, kashika ami nateta ni liji linene.

Ubutukilo 39:17

Yalumbununa chizechene maliji ano eswe ngwenyi, Yoze ngamba wa Ka-Hepreu watunehenene, yanjila kuli yami angulelese.

Ubutukilo 49:7

Utenu wo ukashingiwe mumu wasashile chikolo. Ufwatulo wo ukashingiwe mumu wapwile wa uswi. Mungwahandununa muli Yakomba. Mungwamwanga muli Izalele.

1 MIANANGANA 8:12

Hazaele yamba ngwenyi, Mwene wami, yika nunalilila? Aye yakumbulula ngwenyi, Mumu ngunanyingika yuma yipi yena mulinga kuli A-Izalele. Kumukocha kahia mbonge jo; akweze jo kumukashiha ni katana; kumukapalwola ana jo akemba; kumukahangula tufumba two.

Jobe 12:4

Masepa jami kanangusehe. Ami napwile nikusanyika kuli Zambi mba mangukumbulula. Mukwa ululi keshi kapalia alioze haliapwila kanangusehe.

Yishima 28:15

Yoze wayula yiswale ni ungulungulu kapwa ngwe ndumba wa kuhiohia, ni ursu yoze wakulihiza.

Yishima 28:17

Mweswe yoze halitwika manyinga ja mutu mweswawo machinyina mu jondo; niumwe kanda amuchinda.

Izaya 26:21

Mumu Yehova kanakatuka kuma kwenyi, kaneza akafwetese akwa hashi mumu ha uhenge wo. He hashi muhafukula manyinga aze hamwangaho, kuhechi kafuka nawa waze afwileho.

Izaya 59:7

Molu jo kakuzomboka ku yipi, kakutambuka kumwanga manyinga a kusamba. Manyonga jo manyonga a uhenge, kwenyeka ni kwonwona yapwa mu majila jo.

Daniel 3:13

Kashika Nabukanezore yatenuka ni ufwatulo wahiana. Yatuma kusaka Shadrake, ni Meshake, ni Abedenego. Yaneha malunga wano kumeso ja mwanangana.

Hosea 10:14

kashika Chizungozungo cha jita muchisoloka hakachi ka atu jenu. Yihunda yenu yeswe ya kukolesa mayonwona, chizechene ngwe Shalamane yonwona Mbete-Arabele ha tangwa lia jita. Anaye te aafwenyene hamwe ni ana jo.

Kwalula 22:29

Mbalau yamba kuli chimbulu ngwenyi, Mumu te yena wangukekuna. Kachi katana wapwa mu kwoko liami, kachi nakushiha.

Kwalula 24:10

Utenu wa Mbalake yiukasumukina Mbalau, yalinga pwa ni moko jenyi. Mbalake yamba kuli Mbalau ngwenyi, Nakusanyikine ukashinge akwa kole jami. Kutala! Yena hiunaawahisa liakulu kano katatu.

Mateu 2:1

Achi, muze te Yesu hanasemuka mu Mbeteleme, chihunda cha mu Yundeya ha matangwa ja mwanangana Heronde, kumanyi, akwa mana a ku Chivumbuko ejile ku Yerusaleme,

Mateu 2:17

Hohene chamanunukine chize ahanjikile ku kanwa lia profeta Jeremia ngwenyi,

Mateu 2:7

Hohene Heronde watambikile akwa mana ku tenga, waahulile pundu shimbu lize lutongonoshi wasolokele.

Usolwelo 12:4

Ni muchila wenyi wakokele chihanda chimuwika cha ku yihanda yitatu ya matongonoshi a mwilu, iye waanyashine hashi: ni ndragau yamana kumeso ja pwo yoze himasema, hanga muze hasema, akawumbule mwanenyi.

Usolwelo 17:6

Namwene pwo kanazengewa ni manyinga ja asandu, ni manyinga ja yela ja Yesu. Muze namumwene, nakomokene ni kukomoka chinene.

Akwa Kuyula 16:10

Ndelila yamba kuli Samasone ngwenyi, Tala wangulenyene ni mahuza. Ungulweze kama chize mahasa kukukasa.