Mateu 2:12 - MUKANDA USANDU WA ZAMBI 1975

¹² No se Zambi haatoweza mu chilota kanda ahilukila kuli Heronde akatukile mukuya ku chifuchi cho ku jila yeka.

Mukanda Wa Zambi 1970

¹² Zambi yaatoweza mu chilota ngwenyi, kanda ahiluka maha Herode. Kashika, yaaya jila yeka nikuhiluka ku chifuchi cho.

Mateu 2:12 Iomraidhean Croise

Ubutukilo 31:24

Alioze Zambi yeza kuli Lapane Ka-Seria mu chilota ha ufuku, yamba kuli iye ngwenyi, Ukanyama, kanda uhanjika kuli Yakomba hanji chipema hanji chipi.

Kutuhuka 1:17

Alioze yifunguji avwilile woma Zambi, kalingile ngwe mwanangana wa Engitu ambile kuli ayo, ka. Yatunga ni mwono ana a malunga.

Daniel 2:19

Henaho chijimbikilo achijimbwile kuli Daniel mu usolwelo ha ufuku. Kashika Daniel yahalisa Zambi ya mwilu.

Mateu 1:20

Alioze shimbu anyongene ha yino yuma, kumanyi, mungelo wa Mwene wasolokele kuli iye mu chilota, ngwenyi, José, yena mwana David, kanda wivwa woma kutambula mukwenu-pwo Maria: mumu chize chinaseseka muli iye cha kuli Spiritu Musandu.

Mateu 2:13

Achi, muze te hakatuka, kumanyi, mungelo wa Mwene yasoloka kuli José mu chilota, ngwenyi, Katuka, utwale mwe mwana ni naye, uchinyine ku Engitu, ukapweko ndo mungukakwambulwila, mumu Heronde mafupa mwe mwana mukumwonwona.

Mateu 2:19

Alioze muze te Heronde hafwa, kumanyi, mungelo wa Mwene yasoloka kuli José mu chilota mu Engitu, ngwenyi,

Mateu 2:22

Alioze muze evwile ngwo, Arkelau kanayulu mu Yundeya kusalakana tato Heronde; wevwile woma kuyako, alioze se Zambi hamutoweza mu chilota, wayile kweka ku yihanda ya ku Ngalileya;

Mateu 27:19

Alioze shimbu machitwama ha chitwamo cha upatwilo, mukwo-pwo watumine kuli iye, ngwenyi, Kanda ulinga nichimwe kuli yoze mukwa ululi; mumu namona lamba linji tangwa lino mu chilota mumu hali iye.

Luka 2:26

Iye hamulwezacho kuli Spiritu Musandu ngwe kechi kufwa ndo mamona mwe Kristu wa Mwene.

Yilinga 10:22

O ambile ngwo, Koneliu, kapitau, mukwa ululi, mukwa kwivwa woma wa Zambi, kakumushindakenya ku vungu lieswe lia A-Yunda, kanakamwambulwila kuli mungelo musandu kukusaka, wize ku zuwo lienyi, akevwe maliji kuli yena.

Yilinga 4:19

Alioze Petulu ni Yoano, waakumbulwile, ngwo, Shina chinate kumeso ja Zambi kupanjika kuli yenu shina kuli Zambi, chipatulenu yenu:

Yilinga 5:29

Alioze Petulu ni apostolo aakumbulwile, ngwo, Chatutamba kwononoka kuli Zambi, hi kuli atu ko.

1 Korintu 3:19

Mumu mana ja hano hashi kanapu uhepuke kuli Zambi. Mumu chinasonewa ngwo, Kakukwata akwa mana ni kalimbavuli ko ene.

Hebreu 11:7

Ku Ufulielo Noe wa kufumba kuli Zambi ha kutwala ku yuma yize kanda yichimoneka, se wevwile woma wa Zambi, walulikile ulungu akalamwine akwa zuwo lienyi; chochene wahishile akwa hashi, amupwishile swana ya ululi uze wakulita ni Ufulielo.

Hebreu 8:5

(Waze akulingila chilweza ni Chizulie cha yuma ya mwilu, ngwe Zambi watumbile Mose, muze aputukile kutunga mbalaka: mumu kanambe ngwenyi, Tala ukatunge yuma yeswe nikulita ni cheseko chize hanakulweze ha mulundu.)