Mateu 2:11 - MUKANDA USANDU WA ZAMBI 1975

¹¹ No anjilile mu zuwo, amwene mwe mwana hamwe ni naye Maria; afulamanyine nikumuwayila, no nikupakula upite wo, amulambwile yawana ya oru ni libano ni mira.

Mukanda Wa Zambi 1970

¹¹ Akwa mana yaanjila mu zuwo, yaamona mwana hamwe ni naye Maria, yaafulamana, yaawayila mwe mwana, yaabakula yikashi yo, yaamulambula milambu ya oru, ni maji a vumba libema libano, ni mira.

Mateu 2:11 Iomraidhean Croise

Ubutukilo 43:11

Mba tato Izalele yamba kuli ayo ngwenyi, Nyi chocho chapwa lingenu chino; mbatenu mihuko yimwe yipema ya chifuchi mu yikwachilo yenu nuyitwale kuli mwe lunga mulambu, yimwe yitumbo ya ulilila, ni kamwe kawuchi, ni especiaria, ni mira, ni katapi, ni amendoa.

1 Yitanga Ya Mianangana 10:10

Yahana kuli mwanangana kulakaji ni makumi aali a *talentu ja oru ni tumbuto twa lupembo mupema twa kulumbama, ni mawe alemu ngwe diamante. Kukwejile nawa nilimwe tangwa kulumbama chipwa haha cha tumbuto twa lupembo mupema twa kulifwa ni tuze mwanangana wa pwo wa Shipa yahana kuli mwanangana Solomone.

1 Yitanga Ya Mianangana 10:2

Yeza ku Yerusaleme ni atu anji chikolo, ni tumelu a kumbata tumbuto twa lupembo mupema, ni oru yinji chikolo, ni mawe alemu ngwe diamante. Ha kuheta kuli Solomone yalishimwinya nenyi ha yuma yize yeswe yapwile mu mbunge yenyi.

Miaso (Masamu) 2:12

Mbejenu mwe Mwana, kuchina matenuka mba munukuwa mu jila, mumu utenu wenyi muusasaminya washi. Kawaha waze eswe akuswama muli iye. Samu lia David muze achinyine kumeso ja mwanenyi Absalome.

Miaso (Masamu) 45:8

Mazalo je eswe anakupuka ni mira, ni aloa, ni kasha; ku mazuwo ja mwanangana a kutunga ni mazo a njamba anakuwahisa ni tulialia.

Miaso (Masamu) 72:10

Mianangana a Tashi ni a ku matungu kumakamulambula. Mianangana a ku Shipa ni a ku Sepa makahana yawana.

Miaso (Masamu) 72:15

Kumakatwama ni mwono mba mahana kuli iye oru ya ku Shipa. Atu mamulembela matangwa eswe. Kumakamufumanyisa tangwa lieswe nganganga.

Miaso (Masamu) 95:6

Tatuyenu tukawayile nikulihetamisa. Tukafukame kumeso ja Yehova Tangi yetu.

Kutuhuka 30:23

Ukasake tumbuto tupema twahiana twa lupembo mupema twa mira ya kututumuka makulakaji atano a shekele, ni twa kanela muyema chihanda cha hakachi cha pesu, te makulakaji aali a shekele ni makumi atano a shekele, ni twa kalamu muyema makulakaji aali a shekele ni makumi atano a shekele,

Kutuhuka 30:34

Yehova yamba kuli Mose ngwenyi, Ukasake tumbuto tuyema twa lupembo mupema twa estonake ni onecha ni ngalambanu, tumbuto tuyema twa lupembo mupema hamwe ni libano yitoma. Tumbuto tweswe tukapwe ni pesu yimuwika.

Mwaso Ubema Wahiana 3:6

Iya auze unakatuka ku puya ngwe nguji lia mwishi, wa kukwichila ni mira ni libano, ni yitumbo yeswe ya lupembo mupema ya akwa kutalika?

Izaya 60:6

Mbunga ya tumelu muyikanufuka, yimbembe ja tumelu a ku Mindiane ni Efwa. Ni akwa Shipa eswe kumakeza. Makaneha oru ni libano; kumakambulula uhaliso wa Yehova.

Alevi 6:15

Akazo-moneko kwoko lienyi lia wunga wafufunuka wa mulambu wa wunga, ni maji jawo, ni libano yeswe yili ha mulambu wa wunga, akayilumbe ha chilumbilo yikapwe ya lupembo mupema, Chiwulwiso chawo kuli Yehova.

Malaki 1:11

Mumu chize ku Chivumbuko ndo ku Chitokelo jina liami liafumana hakachi ka mavungu, ni kweswe kakwochela insensu jina liami nikuhana mulambu wa kulinanga, mumu jina liami liafumana hakachi ka mavungu. Chocho kanambe Yehova-wa-Tujita.

Kwalula 7:14

Musenge umuwika wa oru wa kumi lia shekele, wa tò wa insensu.

Kwalula 7:86

Ni ye misenge ya oru kumi ni yiali, ya tò ya insensu. Musenge weswe wa kumi lia shekele nikulita ni shekele ya muma musandu. Oru yeswe ya ye misenge, te ya kulakaji lia shekele ni makumi aali a shekele.

Mateu 1:18

Achi, kusemuka cha Yesu Kristu chapwile ngwe chino: Muze naye Maria hamulakenya kuli José, shimbu kanda alinunga, amuwanyine ni ufumba kuli Spiritu Musandu.

Mateu 12:46

Shimbu te machihanjika ku mbunga, kumanyi, naye ni ana-akwo amanyine haze nikufupa kuhanjika nenyi.

Mateu 14:33

Ni waze apwile mu ulungu amuwayilile ngwo, Chamwenemwene yena uli mwe Mwana Zambi.

Mateu 2:10

Muze amwene lutongonoshi, awahililile ni uwahililo unene wahiana.

Mateu 2:2

ngwo, Ulihi yoze unasemuka Mwanangana wa A-Yunda? Mumu twamwene lutongonoshi wenyi mu Chivumbuko, hitweza mukumuwayila.

Luka 2:16

O ejile kapupushi, awanyine Maria ni José, ni mwe mwana-kemba kanapombo mu chililo.

Luka 2:38

Iye, nikukanduka ha ola yize yene, wasakwililile Zambi, wahanjikile ha kutwala kuli iye kuli waze eswe ataliletalile ukule wa Yerusaleme.

Yoano 19:39

Nikondemu nawa, yoze hatangu wejile kuli Yesu ha ufuku, wejile nikuneha yitumbo ya mira, ni aloa, ngwe makumi awana a kilo ni kilo jitano.

Usolwelo 19:10

Nafulamanyine ku yiliato yenyi hanga ngumuwayile. Iye yamba kuli yami ngwenyi, Kanda uchilinga: yami nguli ndungo-ni-mukwenu, ni ndungo-ni-mukwo ni mandumbu je, waze ali ni Shindakenyo ya Yesu: wayila Zambi: mumu Shindakenyo ya Yesu, spiritu ya uprofeto.

Usolwelo 5:8

Mba muze te handa mukanda, akwa mwono awana ni makumi aali a makulwana ni makulwana awana afulamanyine kumeso ja mwe Mwana-panga, mweswe ni kalialia ni misenge ya oru ya tò ni insensu, yenayo yilemba ya asandu.

1 Samuel 10:27

Alioze amwe atu amokomoko yamba ngwo, Yono kuchi mahasa kutulamwina? Yamulelesa, kamunehenene mulambu, alioze iye kachisele mbunge.