Mateu 2:1 - MUKANDA USANDU WA ZAMBI 1975

¹ Achi, muze te Yesu hanasemuka mu Mbeteleme, chihunda cha mu Yundeya ha matangwa ja mwanangana Heronde, kumanyi, akwa mana a ku Chivumbuko ejile ku Yerusaleme,

Mukanda Wa Zambi 1970

¹ Yesu yasemuka mu Betleheme, limbo lia mu Yudea, muze te Herode abwile mwanangana. Muze Yesu hasemuka, akwa mana waze te akuhengula matongonoshi, yaakatuka ku chivumbuko, yeeza ku Yerusaleme.

Mateu 2:1 Iomraidhean Croise

Ubutukilo 10:30

Chifuchi cho chapwile chize ku Mesha muze mutalikisa ku Sefa, chifuchi cha milundu ku Chivumbuko.

Ubutukilo 25:6

Alioze kuli ana ja *akonkubina jenyi, aze Apalahama atambwile, Apalahama, shimbu achili ni mwono yaaha yawana, yaatuma akatuke kuli Izake akaye ku Chivumbuko.

Ubutukilo 41:8

Mu kwacha chimene mbunge yenyi yiyilipikala, yatuma kusanyika yimbanda eswe a mu Engitu, ni akwa mana eswe. Falau yaalweza chilota chenyi alioze niumwe kahashile kumulumbunwinacho wakuhi.

Ubutukilo 49:10

Lukanda kechi kakatuka kuli Yunda; mbwechi ya mukwa kuyula kuyichi kakatuka hakachi ka yiliato yenyi, ndo mwenyayo makeza mba kuli iye atu makazeyela.

1 Yitanga Ya Mianangana 4:30

Mana a Solomone ahianyine mana ja atu eswe a Chivumbuko ni mana eswe a A-Engitu.

1 Sango Ja Mianangana 2:51

Salama tato ya Mbeteleme; Harefe tato ya Mbete-Ngadere.

Jobe 1:3

Upite wenyi tununu shimbiali a mapanga, tununu atatu a tumelu, kulakaji atano a makanga a ngombe, kulakaji atano a yimbulu a yihwo, ni atu a ha zuwo lienyi anji chikolo. Kashika yono lunga wapwile munene kuhiana eswe a ku yifuchi ya Chivumbuko.

Izaya 11:10

Ha tangwa lize mutombo wa Yese muumana ngwe mbandeira kuli mavungu. Akwa mavungu mamufupa, ni zuwo lienyi mulipwa lia uhenya.

Mika 5:2

Alioze yena Mbeteleme Efrata, mukepe Wahiana hakachi ka minyachi ya Yunda, kuli yena kumukungutuhukila umwe yoze makapwa mukwa kuyula Izalele. Chikota chenyi cha ku miaka, kwe ku shakulu.

Mateu 1:25

alioze kapombele nenyi ndo te hasema mwanenyi mutangu wa lunga: wamulukile jina ngwenyi, Yesu.

Mateu 2:16

Hohene Heronde, muze amwene ngwe akwa mana hamulelesa, wevwile chikolo ufwatulo, mba watumine, akashihe ana-malunga eswe mu Mbeteleme, ni manjiza jacho eswe, chize ku miaka yiali ni waze kanda aheta ku miaka yiali, nikulita ni tangwa lize wevwile pundu kuli akwa mana.

Mateu 2:19

Alioze muze te Heronde hafwa, kumanyi, mungelo wa Mwene yasoloka kuli José mu chilota mu Engitu, ngwenyi,

Mateu 2:3

Muze mwanangana Heronde achivwile, walipikalile, ni A-Yerusaleme eswe hamwe nenyi.

Mateu 2:5

No ambile kuli iye ngwo, Mu Mbeteleme, chihunda cha mu Yundeya; mumu chocho chinasonewa ni kwoko lia profeta ngwenyi,

Mateu 2:7

Hohene Heronde watambikile akwa mana ku tenga, waahulile pundu shimbu lize lutongonoshi wasolokele.

Luka 1:5

Kwapwile ha matangwa a Heronde, mwanangana wa Yundeya, umwe sasendote, jina lienyi Zakaria, wa ku ngango ya Abija: neye wapwile ni mukwo-pwo wa kuli ana a Arone, jina lienyi Izabele.

Luka 2:11

Mumu musono, mu limbo lia David, Chilamwina kanasemuka kuli yenu, iye Kristu mwe Mwene.

Luka 2:15

Muze angelo akatukile kuli ayo, akaye mwilu, tufunga aliambile umwe kuli mukwo ngwo, Tuyenu haliapwila ndo ku Mbeteleme, tukatale chino chuma hichapwa, chenacho Mwene hatunyingikisa.

Yoano 7:42

Chisoneko kuchambile ngwo, Kristu makatuka ku munyachi wa David, ni ku Mbeteleme, chihunda kuze apwile David, nyi?

Akwa Kuyula 17:7

Kwapwile umwe mukweze wa ku Mbeteleme-Yunda wa munyachi wa Yunda, iye te Ka-Levi watwamine hakachi ko.