Mateu 19:9 - MUKANDA USANDU WA ZAMBI 1975

⁹ Alioze ngunambe kuli yenu ngwami, Mweswawo malakula mukwo-pwo shina ha upangala, mba hitunamambata mukwo, malinga utanji: ni yoze mambata yoze hanamulakula, malinga utanji.

Mukanda Wa Zambi 1970

⁹ Ngunanwambe ngwami, nyi mutu malakula pwo lienyi, shina ha utanji, nyi mambata weka, lunga yoze halinga utanji.”

Mateu 19:9 Iomraidhean Croise

Ubutukilo 20:3

Alioze Zambi yeza kuli Apimeleke mu chilota ha ufuku ngwenyi, Tala, uli mufu lume mumu hali pwo yoze watambulanga, mumu iye pwo lia mbala.

2 Sango Ja Mianangana 21:11

Chikwo nawa yatunga manangamo mu milundu ya Yunda; yakoka A-Yerusaleme ku ukoi; yatwala A-Yunda akapianguke.

Jeremia 3:1

Nyi mutu malakula pwo lienyi aye makatuka kuli iye, maya ulo weka, te mamuhilukila nawa? Chifuchi chize te kuchichi kupiha chikolo nyi chocho? Mba Yehova kanambe ngwenyi, Yena hiwalinga ukoi ni akwa kukuzanga anji; mba muhiluka nawa kuli yami?

Jeremia 3:8

Aye yamona ngwe ha utanji weswe wa yono mukwa mafwefwe Izalele hinamuhuma ni mukanda wa kulakula. Hindu yayo wa mahuza Yunda kevwile woma alioze iye nawa yaya nikulinga ukoi.

Ezekiel 16:15

Alioze wajikijilile upeme we, ni kulipwisa chikoi ha mukunda wa lufuma we, ni kupwa chikoi kuli mweswawo mapalika.

Ezekiel 16:29

Wokesele ukoi we ni akwa kusepa a ku chifuchi cha Kaletea, hindu chipwe chocho kuchakuhwile.

Ezekiel 16:8

Ha kukupalika cheka nawa nikukutala, kumanyi hiwaheta ha mwaka wa zango. Yingukuzazulwila hina liami kufuka uselesele we. Yingulishinga ni yena nikukolesa usendo ni yena (chocho kanambe Mwene Yehova), yiwalumuka niwami.

Mateu 19:10

Tumbaji twenyi yamba kuli iye ngwo, Kachi chikuma cha mutu muchipwa chocho ni mukwo-pwo, kachi hi chipema ko kumbata.

Mateu 19:8

Iye yamba kuli ayo ngwenyi, Ha kukala cha mbunge jenu Mose wanutayijile kulakula akwenu-mapwo: alioze chize ku uputukilo kuchapwile chocho.

Mateu 5:32

Alioze yami ngunambe kuli yenu ngwami, Mweswawo malakula mukwo-pwo shina ha chikuma cha upangala, mamupwisa chitanji; ni mweswawo mambata yoze hanamulakula malinga utanji.

Luka 16:18

Mweswawo malakula mukwo-pwo, mambata weka, malinga utanji; ni mweswawo mambata yoze hanamulakula kuli mukwo-lunga, malinga utanji.

1 Korintu 5:1

Chinafumana hakachi ka eswe ngwo, Upangala uliko hakachi kenu, upangala umwe kuushiko chipwe hakachi ka akwa mavungu, mutu akapwa ni pwo lia tato.

1 Korintu 7:39

Pwo makashiwa ni shimbi ha shimbu lize lieswe mukwo-lunga mapwa ni mwono, alioze kachi mukwo-lunga mafwa kachi makatusuka akaye ulo kuli mweswe mamuzanga; alioze muli mwe Mwene wika.

1 Korintu 7:4

Pwo keshi chiyulo ha mujimba wenyi mwene, alioze mukwo-lunga: chizechene lunga keshi chiyulo ha mujimba wenyi mwene, alioze mukwo-pwo.