Mateu 19:23 - MUKANDA USANDU WA ZAMBI 1975

²³ Yesu wambile kuli tumbaji twenyi, ngwenyi, Pundu ngwami, Chikalu hali pichi kunjila mu wanangana wa malilu.

Mukanda Wa Zambi 1970

²³ Mba Yesu yambila tumbaji twenyi ngwenyi: “Chamwenemwene ngunanwambulwila ngwami, chikalu pichi kunjila mu wanangana wa mwilu.

Mateu 19:23 Iomraidhean Croise

Yishima 11:28

Yoze Unafuliela upite wenyi kumakalimbuka; alioze mukwa ululi kumakalinduluka ngwe lifwo lia wisu.

Mateu 13:22

Ni yize mavikuwa hakachi ka mingonga, iye yoze mevwa liji, ni yipikalo ya mwono uno, ni kwonga cha upite muyikeketesa liji, mba muliseka.

Mateu 18:3

Wambile ngwenyi, Pundu ngunambe kuli yenu ngwami, Kunuchi kanjila nichimwe mu wanangana wa malilu shina munwalumuka, shina munupwa ngwe ana akepe.

Mateu 19:22

Alioze muze mukweze evwile liji lize wakatukile ni chinyengo; mumu wapwile ni upite wunji.

Mateu 21:31

Hakachi ka wano aali iya walingile upale wa tato? O ngwo, Mutangu. Yesu ngwenyi, Pundu ngwami, Akwa kufwetesa lijimu ni yikoi kumakanutetekela kunjila mu wanangana wa Zambi.

Mateu 5:20

Mumu ngunambe kuli yenu ngwami, Kunuchi kanjila nichimwe mu wanangana wa malilu shina ululi wenu muuhiana uze wa akwa kusonyeka ni A-Fwariseu.

Marku 10:23

Mba Yesu wakengesele, wambile kuli tumbaji twenyi ngwenyi, Chikalu Chichize hali waze akwete upite kunjila mu wanangana wa Zambi.

Luka 18:24

Muze Yesu amwene ngwe wevwile chinyengo chinji, wambile ngwenyi, Chikalu chikolo hali waze akwete upite kunjila mu wanangana wa Zambi.

Yoano 3:3

Yesu wamukumbulwile ngwenyi, Pundu, pundu, ngunambe kuli yena ngwami, Mutu kahashile kumona wanangana wa Zambi shina masemuka kwilu.

Yoano 3:5

Yesu wakumbulwile ngwenyi, Pundu, pundu, ngunambe kuli yena ngwami, Mutu kahashile kunjila mu wanangana wa Zambi shina masemuka ku meya ni kuli Spiritu.

Yilinga 14:22

Nikutakamisa tumbaji, nikwashinjila kunyongonona mu Ufulielo, ngwo, Ku luyinda munji chatutamba kunjila mu wanangana wa Zambi.

1 Korintu 1:26

Mumu nyongenu mandumbu, chize anutambikile, hi akwa mana anji ko nikulita ni we musunya, hi akwa tachi anji ko, hi yilolo anji ko, hanaatambika.

Tiangu (Jake) 2:6

Alioze yenu hinunasaula chiswale. Pichi keshi kunumwesa lamba, nyi? Keshi kunukoka ku usopelo, nyi?