Mateu 19:22 - MUKANDA USANDU WA ZAMBI 1975

²² Alioze muze mukweze evwile liji lize wakatukile ni chinyengo; mumu wapwile ni upite wunji.

Mukanda Wa Zambi 1970

²² Alioze mukweze yoze, muze hachivwa, yakatuka ni chinyengo, mumu te pichi.

Mateu 19:22 Iomraidhean Croise

Miaso (Masamu) 17:14

Ngulamwine kuli atu, yena Yehova, ni kwoko lie kuli atu a hano hashi, waze ali ni chihanda cho mu mwono uno. Wakukuchisa majimo jo ni yuma ye yipema ya kusweka. Hanayuku ni ana, kakuhichika upite wo kuli ana jo.

Ezekiel 33:31

Kakwizaza kuli yena ngwe atu kakwiza; kakutwama kumeso je ngwe atu jami. Kakwivwa chize muwamba, alioze kechi kuchilinga; mumu kakusolola zango linji ku mivumbo yo, alioze mbunge jo hanajise ku kufumbula.

Mateu 13:22

Ni yize mavikuwa hakachi ka mingonga, iye yoze mevwa liji, ni yipikalo ya mwono uno, ni kwonga cha upite muyikeketesa liji, mba muliseka.

Mateu 14:9

Mwanangana wevwile chinyengo, alioze mumu ha shingo lienyi, ni hali waze atwamine ku mesa hamwe nenyi, wambile auhane.

Mateu 16:26

Mumu kuchi mutu mafumbuka kachi malipichisa hashi heswe, alioze matokesa mwono wenyi? Hanji kuchi mutu mahana cha kusumbakenya mwono wenyi?

Mateu 19:21

Yesu ngwenyi, Kachi unazange kupwa mungunu, yako, ulanjise yize uli nayo, Ukahane kuli yiswale, mba kumuopwa ni upite mwilu; wize, ungukaule.

Mateu 19:23

Yesu wambile kuli tumbaji twenyi, ngwenyi, Pundu ngwami, Chikalu hali pichi kunjila mu wanangana wa malilu.

Mateu 6:24

Niumwe mahasa kulingila miata aali: mumu hanji mavwila kole umwe, mazanga mukwo; hanji makakaminya kuli umwe, malelesa mukwo. Kunwahashile kulingila Zambi ni kulingila upite hamuwika.

Marku 10:22

Alioze wavutukile ku meso ha liji lino, wakatukile ni chinyengo: mumu wapwile ni upite wunji.

Marku 6:26

Mwanangana wevwile chinyengo chinji; alioze mumu ha mashingo jenyi, ni hali waze anatwama ku mesa, kahashile kulituneye.

Luka 18:23

Alioze muze evwile yino yuma, wevwile chinyengo chinji; mumu wapwile pichi munene.

Yoano 16:20

Pundu, pundu, ngunambe kuli yenu ngwami, Munukalila, nikulinyenga, alioze akwa hashi makawahilila; munukevwa chinyengo, alioze chinyengo chenu muchalumuka uwahililo.

Efesu 5:5

Mumu chino nunanyingika chamwenemwene, ngwo, Chitanji niumwe, chipwe mukwa luchisa, chipwe mukwa kuzo, mwenawo mukwa kukombelela mahamba, keshi chihinga mu wanangana wa Kristu ni Zambi.

Kolosu 3:5

Kashika shihenu yihanda yenu yize yili hano hashi; ni utanji, ni luchisa, ni kusasaminya, ni usolo upi, ni kuzo, yenayo kukombelela mahamba;