Mateu 19:17 - MUKANDA USANDU WA ZAMBI 1975

¹⁷ Yesu wambile kuli iye ngwenyi, Kuchi te unanguhula ha kutwala ku chipema? Kwali umuwika mupema: alioze kachi unazange kunjila mu mwono, funga maliji a shimbi.

Mukanda Wa Zambi 1970

¹⁷ Yesu ngwenyi: “Kuchi unanguhula hakutwala ku chibema? Umuwika lume mubema. Nyi unazange kubwa ni mwono, funga Shimbi.”

Mateu 19:17 Iomraidhean Croise

Alevi 18:5

Kashika munufunga yiyulo yami ni shimbi jami. Ha kulinga chocho mutu matwama ni mwono. Yami Yehova.

A-ROMA 10:5

Mumu Mose kanasoneka ngwenyi Mukwa kulinga ululi uze wa ku shimbi kumakapwa ni mwono nawo.

1 Samuel 2:2

Niumwe wapwa musandu ngwe Yehova, mumu mukwo wakuhi ndo yena wika. Liwe likwo liakuhi ngwe Zambi yetu.

1 Yoano 4:16

Ni yetu tunanyingika, hitunafuliela zango lize Zambi ali nalio hali yetu. Zambi iye zango, ni mweswe matwama ni zango, matwama muli Zambi, ni Zambi matwama muli iye.

Ezekiel 20:21

Alioze ana yangukatukila, kendele mu yiyulo yami, katalile kanawa kufunga shimbi jami jize atu kakutwama ni mwono ha kujifunga. Ajilwile masambata jami. Yingunyonga kwazukwila ufwatulo wami ni kuhwisa utenu wami hali ayo mu puya.

Nehemia 9:29

Waashindakenyene Ukaahilwise nawa ku shimbi je. Hindu alengumukine; kapanjikile ku shimbi je; avulumwine upatwilo we (nyi mutu maukaula matwamamo ni mwono), asekwile yipaya yo, akwachile pami, kasolo kupanjika.

Tiangu (Jake) 1:17

Kuhana cheswe chipema ni yawana yeswe yingunu kuyakuhulumuka kwilu, kuli mwe Tato ya pangu, muli iye kumushi kwalumuka, chipwe Chizulie cha kutewuluka.

Miaso (Masamu) 52:1

Kuchi te wakulisamba ni yipi, ena mukwa ndundo? Utu wa zango lia Zambi kuwalinduluka matangwa eswe.

Miaso (Masamu) 119:68

Yena uli mupema; wakulinga chipema. Ungulongese yiyulo ye.