Mateu 19:14 - MUKANDA USANDU WA ZAMBI 1975

¹⁴ Alioze Yesu wambile ngwenyi, Tayizenu ana akepe, kanda nwakanjisa kwiza kuli yami: mumu wanangana wa malilu wa wano ene.

Mukanda Wa Zambi 1970

¹⁴ Yesu ngwenyi: “Tayizenu ana eze kuli yami. Kanda nwakanjisa, mumu Wanangana wa mwilu wa atu ngwe wano.”

Mateu 19:14 Iomraidhean Croise

Ubutukilo 21:4

Apalahama wapwishile ngalami mwanenyi Izake muze hapwa ni matangwa nake ngwe Zambi hamwamba.

Mateu 11:25

Ha mwaka uze Yesu wakumbulwile ngwenyi, Ngunakuhalisa Tata, Mwene wa lilu ni hashi, mumu wahengekele yino yuma kuli akwa mana ni akwa malinjekela, wayisolwele kuli ana-akemba.

Mateu 18:3

Wambile ngwenyi, Pundu ngunambe kuli yenu ngwami, Kunuchi kanjila nichimwe mu wanangana wa malilu shina munwalumuka, shina munupwa ngwe ana akepe.

Mateu 19:15

Wasayikile moko jenyi hali ayo, mba wakatukile kuze.

Mateu 5:10

Kawaha waze anaahungumiona mumu ha ululi, mumu wanangana wa malilu niwo.

Mateu 5:3

Kawaha yiswale mu Spiritu, mumu wanangana wa malilu niwo.

Marku 10:14

Alioze muze Yesu achimwene, evwile kupiha, wambile kuli ayo ngwenyi, Tayizenu ana akepe eze kuli yami; kanda nwakanjisa: mumu wanangana wa Zambi wa wano ene.

Marku 10:15

Pundu ngunambe kuli yenu ngwami, Mweswawo keshi kutambula wanangana wa Zambi ngwe mwana mukepe, kechi kanjilamo nichimwe.

1 Korintu 14:20

Mandumbu, kanda nupwa ana mu kunyonga chenu: hindu mu uhuka pwenu ana-akemba, alioze mu kunyonga pwenu makulwana.

Akwa Kuyula 13:7

Alioze yamba kuli yami ngwenyi, Kumukapwa ni ufumba. Kumukasema mwana wa lunga, kashika kanda ukanwa vinyu hanji kunwa chisasu. Chikwo nawa kanda ukalia yuma ya luchisa mumu mwe mwana-lunga kumakapwa Kanazireu kuli Zambi chize ku kusemuka chenyi ndo ku tangwa lia kufwa chenyi.

1 Samuel 1:11

Yalakenya chilakenyo ngwenyi, Yehova-wa-Tujita nyi chamwenemwene mutala luyinda wa yami kavumbi ke, uka-ngwiwuluke, kanda unguvulama yami kavumbi ke alioze ukangwehe mwana wa lunga, mungumuhana kuli Yehova ha matangwa eswe a mwono wenyi, kechi kasa tewula ku mutwe wenyi.

1 Samuel 1:22

Alioze Hana kayile mumu yamba kuli mukwo-lunga ngwenyi, Ndo hinasumuna mwana mba mungumutwala akasoloke kumeso ja Yehova akatwameko miaka yeswe.

1 Samuel 1:24

Mba muze hamusumuna wamutwalile, ni kuji a ngombe atatu, ni* efa yimuwika ya wunga, ni tuku yimuwika ya vinyu. Yamutwala ku zuwo lia Yehova ku Shilo, achili te mwana.

1 Samuel 2:18

Alioze Samuel wavumbikile kumeso ja Yehova, achili mwana, wakulijichikila efode ya hina litoma lipema.