Mateu 19:13 - MUKANDA USANDU WA ZAMBI 1975

¹³ Mba anehene kuli iye ana akepe, hanga asayike moko jenyi hali ayo, alembe; alioze tumbaji aakanjishile.

Mukanda Wa Zambi 1970

¹³ Atu yaanehena Yesu ana hanga aase moko, aalembele. Alioze tumbaji yaakanjisa atu waze.

Mateu 19:13 Iomraidhean Croise

Ubutukilo 48:1

Mba kulutwe lia yino yuma umwe wambulwilile José ngwenyi, Tatenu kanayiji, mba iye yatwala anenyi aali a malunga Manase ni Eframe.

Jeremia 32:39

Mungukaaha mbunge yimuwika ni jila yimuwika hanga akanguvwile woma ndo ku miaka hanga akawahe ene ni ana jo waze maakaula.

Mateu 16:22

Petulu wamutwalile ku tenga, waputukile kumwambila ngwenyi, Zambi akuvwile keke, Mwene: chino kuchichi kapwa kuli yena, nichimwe.

Mateu 19:12

Mumu kwali aunuku, waze asemukine chocho ku jimo lia anaye; kwali aunuku, waze aapwishile aunuku kuli atu: kwali aunuku, waze alipwishile aunuku mumu ha wanangana wa malilu. Yoze mahasa kulitambula, akalitambule.

Mateu 20:31

Alioze mbunga aámbilile, hanga ahole; alioze akololokele kuhiana ngwo, Mwene, yena mwana David, tuvwile kama keke.

Yilinga 2:39

Mumu kuli yenu chilakenyo kuchili, ni kuli ana jenu, ni kuli waze atwama kusuku, ni kuli waze eswe mwe Mwene Zambi yetu makatambika kuli iye.

1 Korintu 7:14

Mumu lunga yoze keshi kufuliela mamusela ku usandu muli mukwo-pwo, ni pwo yoze keshi kufuliela mamusela ku usandu muli mukwolunga; nyi ka, kachi ana jenu mapwa a luchisa; alioze haliapwila kanapu ku usandu.

1 Samuel 1:24

Mba muze hamusumuna wamutwalile, ni kuji a ngombe atatu, ni* efa yimuwika ya wunga, ni tuku yimuwika ya vinyu. Yamutwala ku zuwo lia Yehova ku Shilo, achili te mwana.