Mateu 19:12 - MUKANDA USANDU WA ZAMBI 1975

¹² Mumu kwali aunuku, waze asemukine chocho ku jimo lia anaye; kwali aunuku, waze aapwishile aunuku kuli atu: kwali aunuku, waze alipwishile aunuku mumu ha wanangana wa malilu. Yoze mahasa kulitambula, akalitambule.

Mukanda Wa Zambi 1970

¹² Mumu ha yikuma yeka ni yeka malunga kahashile kumbata: amwe mumu asemukine yiheu, akwo yaapwisa yiheu kuli atu, akwo keeshi kumbata mumu ha Wanangana wa mwilu. Yoze mahasa, atayize longeso lino.”

Mateu 19:12 Iomraidhean Croise

Izaya 39:7

Ni amwe a kuli ana je waze matuhuka muli yena, yena muasema, kumakaatwala. Kumakapwa aunuku mu zuwo lia mwanangana wa Babilonia.

Mateu 19:11

Alioze wambile kuli ayo ngwenyi, Eswe kahashile kutambula liji lino, ndo waze aahelelio.

Mateu 19:13

Mba anehene kuli iye ana akepe, hanga asayike moko jenyi hali ayo, alembe; alioze tumbaji aakanjishile.

1 Korintu 9:15

Alioze chalingile ni yino yuma niyimwe: chasonekene yino yuma hanga akachilinge chocho kuli yami; mumu chinanguwahila kufwa shina umwe mapwisa chamokomoko kulisambisa chami.

1 Korintu 9:5

Kutushi chiyulo cha kutwala hamwe ni yetu, umwe pangi muli Mwene, mukwetu-pwo, chizechene ngwe apostolo akwo ni anaakwo ja Mwene, ni Sefwa, nyi?

Usolwelo 14:4

Waze kalichishile ni mapwo; mumu o malunga a kulinanga. Wano waze akukaula mwe Mwana-panga kweswako maya. Wano aalanjile hakachi ka atu ngwe mihuko yitangu kuli Zambi ni kuli mwe Mwana-panga.