Mateu 18:9 - MUKANDA USANDU WA ZAMBI 1975

⁹ Nyi kachi liso lie mulikutalingisa, litombongonemo, ulimbile: Shinaho hali yena unjile mu mwono kafwa-liso, kuhiana kukumbila mu kahia ka mutolo ni meso aali.

Mukanda Wa Zambi 1970

⁹ Nyi liso lie likukuvulumwisa, litombongone, ulimbile. Shinoho ukanjile mu mwono wamwenemwene ni liso limuwika, kuhiana chize muufunga meso eswe aali akakumbile mu kahia.”

Mateu 18:9 Iomraidhean Croise

Mateu 16:26

Mumu kuchi mutu mafumbuka kachi malipichisa hashi heswe, alioze matokesa mwono wenyi? Hanji kuchi mutu mahana cha kusumbakenya mwono wenyi?

Mateu 18:8

Nyi kachi kwoko lie hanji kulu lie mulikutalingisa, liteteko, ulimbile: Shinaho hali yena unjile mu mwono chilema hanji kahundu, kuhiana kukumbila mu kahia ka mutolo ni moko je aali ni meso aali.

Mateu 19:17

Yesu wambile kuli iye ngwenyi, Kuchi te unanguhula ha kutwala ku chipema? Kwali umuwika mupema: alioze kachi unazange kunjila mu mwono, funga maliji a shimbi.

Mateu 5:22

Alioze yami ngunambe kuli yenu ngwami, Mweswawo matenuka ni mukwo matela upatwilo; ni mweswawo mamba kuli mukwo ngwenyi, Raka! matela upatwilo unene; ni mweswawo mamba ngwenyi, Yena chihepuke! matela upatwilo wa Ngehena ya kahia.

Mateu 5:29

Alioze kachi liso lie lia chindume mulikutalingisa, litombongonemo, ulimbile: mumu Shinaho utokese chihanda chimuwika, kuchina mujimba we weswe makaumbila mu Ngehena.

Marku 9:47

Nyi kachi liso lie mulikutalingisa, litombongonemo: Shinaho unjile mu wanangana wa Zambi kafwa-liso, kuchina nikupwa ni meso aali, akakumbile mu Ngehena ya kahia.

Yilinga 14:22

Nikutakamisa tumbaji, nikwashinjila kunyongonona mu Ufulielo, ngwo, Ku luyinda munji chatutamba kunjila mu wanangana wa Zambi.

Hebreu 4:11

Tulipupwisenu kashika kunjila mu uhwimino uze, hanga niumwe kechi kalimbuka ni cheseko chimuwika cha uhulia.

Usolwelo 21:27

Ni chuma cha luchisa, chipwe yoze wakulinga chizelwokeso, chipwe yoze wamutomba mahuza, kechi kanjilamo nichimwe: aiioze waze wika anaasoneka mu mukanda wa mwono wa mwe Mwana-panga.