Mateu 18:8 - MUKANDA USANDU WA ZAMBI 1975

⁸ Nyi kachi kwoko lie hanji kulu lie mulikutalingisa, liteteko, ulimbile: Shinaho hali yena unjile mu mwono chilema hanji kahundu, kuhiana kukumbila mu kahia ka mutolo ni moko je aali ni meso aali.

Mukanda Wa Zambi 1970

⁸ “Nyi kwoko lie hanji kulu lie liakukuvulumwisa, libatule, ulimbile. Shinoho ukanjile mu mwono wamwenemwene ni kwoko limuwika hanji ni kulu limuwika, kuhiana chize muufunga moko eswe aali ni molu eswe aali akakumbile mu kahia ka miaka yeswe.

Mateu 18:8 Iomraidhean Croise

Izaya 30:22

Henaho munukachisa tuponya twenu a kwola ni kufuka ni prata, ni tuponya twenu a kuzuzulula ni kufuka ni oru. Munukaamwanga ngwe chuma cha luchisa, nikwamba ngwenu, Katukenuko!

Izaya 33:14

Woma hiweza hali yivulumunyi mu Zaione; yitanganyanyi kanachikima. Iya hakachi ketu mahasa kutwama ni kahia ka kulalisa? Iya hakachi ketu mahasa kutwama ni mbwemena ya miaka yeswe?

Ezekiel 18:31

Mbilenu Utanguko weswe uze hinwalinga kulimika ni yami, nukatambule mbunge jaha ni Spiritu jaha! Kuchi te munufwa, enu akwa munyachi wa Izalele?

Mateu 17:27

Alioze hanga kutuchi kaatalingisa, yako ku Chitende, ukambile kazambu, ukoze yishi yoze mutangu matutuka; mba muze hiwapakula kanwa lienyi, kumukawana lumbongo: ukamumbate, ukamuhane kuli ayo hali yami ni yena.

Mateu 25:41

Hohene makamba nawa kuli waze ali ku chimeso ngwenyi, Katukenu kuli yami, yenu kunwashingiwa, nuye ku kahia ka mutolo kaze alulikile hali Ndiapu ni angelo jenyi.

Mateu 25:46

Wano kumakaya ku lamba lia mutolo, alioze akwa ululi ku mwono wa mutolo.

Luka 14:33

Chocho kevwe mweswawo wa kuli yenu keshi kwehuka yize yeswe ali nayo, kahashile kupwa kambaji kami.

Luka 16:24

Iye watambikile ngwenyi, Kaka Apalahama, nguvwile kama keke, utume Lazaru, hanga achupike songo lia munwe wenyi mu meya, akekemese limi liami; mumu ngunapinji mu mulengi uno.

A-ROMA 13:12

Ufuku hiwahwa chikolo, mwalwa kuunakundama: tumbilenu kashika yitanga ya milima, tulipakatenu yitwa yeswe ya pangu.

Usolwelo 14:10

iye nawa kumakanwa vinyu ya ufwatulo wa Zambi, yize hanayilulika chizechene, kayiwezele meya, mu musenge wa utenu wenyi: kumakamumwesa lamba mu kahia ni fundanga kumeso ja angelo asandu ni kumeso ja mwe Mwana-panga.

Usolwelo 20:15

Nyi kachi umwe kamuwanyine wa kusoneka mu mukanda wa mwono, amunyashine mu Chitende cha kahia.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.