Mateu 18:3 - MUKANDA USANDU WA ZAMBI 1975

³ Wambile ngwenyi, Pundu ngunambe kuli yenu ngwami, Kunuchi kanjila nichimwe mu wanangana wa malilu shina munwalumuka, shina munupwa ngwe ana akepe.

Mukanda Wa Zambi 1970

³ yamba ngwenyi: “Chamwenemwene ngunanwambulwila ngwami, nyi kunwalumukine ku mbunge ni kubwa ngwe twanuke, kunuchi kanjila mu Wanangana wa mwilu.

Mateu 18:3 Iomraidhean Croise

Miaso (Masamu) 131:2

Chamwenemwene hingunasusuminya mbunge yami nikuyiholesa. Ngwe mwana yoze hamusumuna kuli naye, chocho mbunge yami yili muli yami ngwe mwana yoze hamusumuna.

Izaya 6:10

Pwisa mbunge ja wano atu ja maji, ni matwi jo akaleme, ni meso jo akafuke, kuchina akamone ni meso jo, akevwe hi matwi jo, akanyingike ni mbunge jo, akalumuke aawuke.

Mateu 13:15

Mumu mbunge ja atu ano hijinapapala, matwi jo kakufulamana ha kwivwa, hanafuku meso jo; kuchina hanji mamona ni meso jo, hanji mevwa ni matwi jo, hanji manyingika ni mbunge jo, hanji malumuka, ngwahindwise.

Mateu 18:2

Watambikile kuli iye mwana mukepe, wamusele mukachi ko.

Mateu 18:4

Mweswawo malilelesa ngwe yono mwana mukepe, mwenawo mapwa munene wahiana eswe mu wanangana wa malilu.

Mateu 19:14

Alioze Yesu wambile ngwenyi, Tayizenu ana akepe, kanda nwakanjisa kwiza kuli yami: mumu wanangana wa malilu wa wano ene.

Mateu 19:23

Yesu wambile kuli tumbaji twenyi, ngwenyi, Pundu ngwami, Chikalu hali pichi kunjila mu wanangana wa malilu.

Mateu 5:18

Mumu pundu, ngunambe kuli yenu ngwami, Ndo lilu ni hashi muyihwa, toshi limuwika hanji toma yimuwika kuyichi kahwa nichimwe ku shimbi ndo yeswe muyiza kupwa.

Mateu 5:20

Mumu ngunambe kuli yenu ngwami, Kunuchi kanjila nichimwe mu wanangana wa malilu shina ululi wenu muuhiana uze wa akwa kusonyeka ni A-Fwariseu.

Mateu 6:16

Muze munulitwamina kulia, kanda nupwa ngwe yilembese, akuhonga ku meso: mumu kakupihisa meso jo, hanga akasoloke kuli atu ngwe analitwamina kulia. Pundu ngunambe kuli yenu ngwami, Hanatambula kwononona cho.

Mateu 6:2

Kashika muze muhana yawana, kanda ukemba chitavwi kulutwe lie, ngwe yilembese akulinga mu masunangonga ni mu mikombwelo, hanga akaachichimieke kuli atu. Pundu ngunambe kuli yenu ngwami, Hanatambula kwononona cho.

Mateu 6:5

Muze mulemba kanda upwa ngwe yilembese, mumu mafwila kulemba nikumana mu masunangonga ni ha malindalinda ja matapalo, hanga akasoloke kuli atu. Pundu ngunambe kuli yenu ngwami, Hanatambula kwononona cho.

Marku 4:12

hanga ha kutala, akatale, alioze kechi kamona; mba ha kwivwa akevwe, alioze kechi kanyingika; kuchina hanji malumuka, maakonekenacho.

Luka 13:24

Litachikenu kunjila ku chikolo chikehe; mumu anji, ngwami, Makafupa kunjilamo, alioze kechi kahasa.

Luka 22:32

Alioze naliumbile hali yena, hanga Ufulielo we kuuchi kahwa; ni yena muze hiwalumuka, ukajikijise mandumbu je.

Yoano 1:51

Yamba kuli iye ngwenyi, Pundu, pundu, ngunambe kuli yena ngwami, Chize ku haliapwila ndo kulutwe kumukamona lilu liakwazulula, ni angelo ja Zambi nikuzezuka nikuhulumuka hali mwe Mwana Mutu.

Yoano 3:3

Yesu wamukumbulwile ngwenyi, Pundu, pundu, ngunambe kuli yena ngwami, Mutu kahashile kumona wanangana wa Zambi shina masemuka kwilu.

Yoano 3:5

Yesu wakumbulwile ngwenyi, Pundu, pundu, ngunambe kuli yena ngwami, Mutu kahashile kunjila mu wanangana wa Zambi shina masemuka ku meya ni kuli Spiritu.

Yilinga 14:22

Nikutakamisa tumbaji, nikwashinjila kunyongonona mu Ufulielo, ngwo, Ku luyinda munji chatutamba kunjila mu wanangana wa Zambi.

Yilinga 28:27

Mumu mbunge ja atu ano hijinaleme, o hajika ku matwi jo, hafuka meso jo; kuchina hanji mamona ni meso jo, hanji mevwa ni matwi jo, hanji manyingika ni mbunge jo, akalumuke ngukaahindwise.

Yilinga 3:19

Likonyekenu kashika, nyalumuke, hanga milonga yenu yikajimuke, ni chocho miaka ya kuhuzuluka yikeze ya kumeso ja Mwene;

1 Korintu 14:20

Mandumbu, kanda nupwa ana mu kunyonga chenu: hindu mu uhuka pwenu ana-akemba, alioze mu kunyonga pwenu makulwana.

1 Petulu 2:2

Chizechene ngwe ana-akemba waze anasemuka haliapwila, ivwenu chikolo usona ha yamwa ya uspiritu yize kuyishi kalimbalimba, hanga nukatatuke nayo ndo ku ulamwino,

2 Petulu 1:11

Mumu chocho, kumakanwaha unjililo Wahiana mu wanangana wa mutolo wa Mwene wetu kanda Chilamwina Yesu Kristu.