Mateu 18:13 - MUKANDA USANDU WA ZAMBI 1975

¹³ Nyi kachi mamuwana, pundu ngunambe kuli yenu ngwami, Mawahilila hali yoze kuhiana chize mawahilila hali makumi livwa ni livwa waze kapiangukileko.

Mukanda Wa Zambi 1970

¹³ Muze mamuwana, chamwenemwene ngunanwambulwila ngwami, mawahilila mumu hali panga yoze kuhiana waze makumi livwa ni livwa katokele.

Mateu 18:13 Iomraidhean Croise

Miaso (Masamu) 147:11

Yehova kakuwahilila muli waze akumuvwila woma, ni muli waze akutalatala ku keke yenyi.

Izaya 53:11

Kumakamona mihuko ya lamba lienyi lia mbunge, mba kumakayuka. Kavumbi kami, mwe mukwa ululi, kumakasambisa anji ni chinyingi chenyi. Iye kumakalitwika uhenge wo.

Izaya 62:5

Mumu chizechene ngwe mukweze kakumbata virgem, chocho ana jenu manumbata; chizechene ngwe sandungi kakwivwa chiseke ni mwe ndungi, chocho nawa Zambi yenu mevwa chiseke ni yenu.

Ezekiel 34:4

Kunwakolesele akwa upekepeke, kunwawukile akwa kuyiza; kunwajichikile muya yilema; kunwahilwishile akwa kujimbata; kunwafupile waze anatoko; hinwaayula ni tachi ni uswi.

Mika 7:18

Iya mapwa Zambi ngwe yena, mukwa kukonekena uhenge, ni kuzomboka milonga ya masalia ja chihinga chenyi? Kechi kufunga utenu wenyi wa mutolo mumu kakuwahilila ni utu wa zango.

Zefania 3:17

Yehova Zambi ye mwali muli yena, mwe ka jita yoze wakuhana kukumba. Kumakevwa kuwaha ni yena ni chiseke chinji; kumakakuhuzulula mu zango lienyi; kumakalikwiza ni yena ni miaso ya tachi

Mateu 18:12

Kuchi nunashinginyeka? Kachi umwe mutu mapwa ni kulakaji lia mapanga, mba umwe mapianguka, keshi kuhichika makumi livwa ni livwa, akaye ha milundu, akafupe yoze unapianguka, nyi?

Mateu 18:14

Chizechene hi upale wa Tatenu ko yoze uli mu malilu, umwe wa wano akepe akatoke.

1 Korintu 13:6

kulishi kuwahilila mu uhenge, alioze kuliakuwahilila mu umwenemwene;

Tiangu (Jake) 2:13

Yoze kalwezele keke kumakatambula upatwilo uze kuushi keke: keke kuyakukumba upatwilo.