Mateu 18:10 - MUKANDA USANDU WA ZAMBI 1975

¹⁰ Kanyamenu kuchina munulelesa umwe wa wano akepe: mumu ngunambe kuli yenu ngwami, Angelo jo mu malilu kakumona matangwa eswe meso ja Tata yoze uli mu malilu.

Mukanda Wa Zambi 1970

¹⁰ “Kanyamenu, kanda nulelesa umwe wa kuli twanuke wano akepe. Ngunanwambulwila ngwami, tunganda two a mwilu kaakumana matangwa eswe ku meso ja Tata wa mwilu. (

Mateu 18:10 Iomraidhean Croise

2 Samuel 14:28

Absalome Watwamine miaka yiali ya muwundu mu Yerusaleme; kamwene meso ja mwanangana.

1 Yitanga Ya Mianangana 22:19

Mikaia ngwenyi, Ena kashika panjika ku liji lia Yehova. Namwene Yehova ha ngunja yenyi ni mbunga yeswe ya mwilu kanamana ha chindume chenyi ni ha chimeso chenyi.

Estere 1:14

kulihata nenyi kwapwile Karshena, ni Shetare, ni Adamata, ni Tashi, ni Mere, ni Marsena, ni Memukane alemu shimbiali a Persia ni Media waze amwene meso ja mwanangana mu yitwamo ya lutwe mu wanangana)

Miaso (Masamu) 15:4

Ku meso jenyi chizazali kapwa mulelu; alioze kakulemesa waze akuvwila woma Yehova. Chipwe halishinga ha kulilinga chipi mwene, keshi kwalumuka.

Miaso (Masamu) 17:15

Alioze ha kutwala kuli yami, mungumona meso je ni ululi. Kumungukayuka muze mungulaula mu kulifwa cha yena. Kuli Njimba mukwa lutwe. Samu lia David kavumbi ka Yehova. Iye wahanjikile kuli Yehova maliji a mwaso uno ha tangwa lize Yehova wamupulwile ku moko ja akwa kole jenyi eswe ni ku kwoko lia Saulu: ngwenyi,

Miaso (Masamu) 34:7

Mungelo wa Yehova kakutunga chilombo chenyi cha kujingilika waze akumuvwila woma, kakwapulula.

Miaso (Masamu) 91:11

Mumu kumahana shimbi kuli angelo jenyi ha kutwala kuli yena, akakufunge mu majila je eswe.

Zakaria 13:7

Yehova-wa-Tujita kanambe ngwenyi, Yena katana, laula kulimika ni kafunga kami, kulimika ni yoze walikunda ni yami. Lamba kafunga, mapanga amwangane; mungutalikisa kwoko liami kulimika ni ana akepe.

Zakaria 4:10

Mumu iya halelesa tangwa lia yuma yikepe? Kumakawahilila; kumakamona prumo mu kwoko lia Zorobabele. Wano shimbiali o meso ja Yehova kakwendangana hashi heswe.

Mateu 1:20

Alioze shimbu anyongene ha yino yuma, kumanyi, mungelo wa Mwene wasolokele kuli iye mu chilota, ngwenyi, José, yena mwana David, kanda wivwa woma kutambula mukwenu-pwo Maria: mumu chize chinaseseka muli iye cha kuli Spiritu Musandu.

Mateu 12:20

Lumbungu wa kufwenya kechi kamumakuna, ni wanda wa kuneha mwishi kechi kaujima, ndo masolola upatwilo ukakumbe.

Mateu 18:14

Chizechene hi upale wa Tatenu ko yoze uli mu malilu, umwe wa wano akepe akatoke.

Mateu 18:6

Alioze mweswawo matalingisa umwe wa kuli wano akepe a kufuliela yami, Shinaho akamujichike liwe linene lia kutwa nalio ha kota yenyi, akamushimbamise mu jinga lia kalunga-lwiji.

Mateu 2:13

Achi, muze te hakatuka, kumanyi, mungelo wa Mwene yasoloka kuli José mu chilota, ngwenyi, Katuka, utwale mwe mwana ni naye, uchinyine ku Engitu, ukapweko ndo mungukakwambulwila, mumu Heronde mafupa mwe mwana mukumwonwona.

Mateu 2:19

Alioze muze te Heronde hafwa, kumanyi, mungelo wa Mwene yasoloka kuli José mu chilota mu Engitu, ngwenyi,

Mateu 24:31

Kumakatuma angelo jenyi ni liji linene lia chitavwi, no makakungulula waze hanaatongola kuli iye ku fuji jiwana, ku songo limwe lia malilu ndo ku songo likwo.

Luka 1:19

Mungelo wamukumbulwile ngwenyi, Yami nguli Gabriele, nakumana kumeso ja Zambi; angutumine mukuhanjika ni yena, ngukwambulwile lusango yono mupema.

Luka 10:16

Yoze manwivwa, mangwivwa yami; ni yoze malituna yenu, malituna yami; ni yoze malituna yami, malituna yoze wangutumine.

Luka 16:22

Mba chiswale wafwile ni angelo amusele mu kondo ya Apalahama; ni pichi nawa yafwa, yamufunda.

Yilinga 10:3

Ha ola yamuchilivwa ya mwalwa wamwene zwalala mu usolwelo, mungelo wa Zambi, kananjila kuli iye, nikwamba kuli iye ngwenyi, Koneliu.

Yilinga 12:15

O ambile kuli iye ngwo, Unazaluka. Alioze walihalwile ngwenyi, Chamwenemwene. O ambile ngwo, Mwe mungelo wenyi.

Yilinga 12:23

Haze hene mungelo wa Mwene wamulambile, mumu kachichimiekene Zambi; iye wafwile, wa kuliwa ni mavuno.

Yilinga 27:23

Mumu kamananga ku lumbu liami ufuku uno, mungelo wa Zambi, yoze wangupita, yoze nawa nakumulingila,

Yilinga 5:19

Alioze ha ufuku mungelo wa Mwene wazulwile mapito ja zuwo lia ususu, Waatwalile haze, wambile ngwenyi,

A-ROMA 14:10

Alioze yena, ika te wakupatwila ndumbwe? Hanji ika te wakulelesa ndumbwe? Mumu yetu eswe kumutukamana kulutwe lia chitwamo cha upatwilo wa Zambi.

A-ROMA 14:21

Chinawaha kulitwamina kulia yifwo, chipwe kunwa vinyu, chipwe kulinga chuma chimwe chize mahukanyisa nacho ndumbwe, hanji matalinga, hanji malela.

A-ROMA 15:1

Achi yetu tuli akwa tachi, chatutamba kumbata ulelu wa waze keshi tachi, hi kuliwahisa ko yetwene.

1 Korintu 11:22

Kuma, kunushi mazuwo a kulitamo, a kunwinamo, nyi? Shina nunalelesa chikungulwila cha Zambi, nikukolesa sonyi waze keshi nacho? Kuchi mungwamba kuli yenu? Mungunuhalisa, nyi? Ka, ha chino chanuhalishile.

1 Korintu 16:11

niumwe kashika kanda akamulelesa. Alioze nukamushinjikile mu jita yenyi ni sambukila, hanga akeze kuli yami: mumu ngunamutalatala hamwe ni mandumbu.

1 Korintu 9:22

Kuli alelu, nalipwishile mulelu, hanga ngukazuke alelu; nalipwishile yuma yeswe kuli atu eswe, hanga ni yuma yeswe ngukalamwine amwe.

2 Korintu 10:1

Achi, yami mwene Paulu, ngunaliumbu kuli yenu ku kushimbika ni ku umbovu wa Kristu, yami kumeso jenu nguli mukwa kulikehesa hakachi kenu, alioze muze chishiko ngunahamuka kuli yenu.

2 Korintu 10:10

Mumu kanambe ngwo, Mikanda yenyi yilemu, ya tachi; alioze iye mwene mu mujimba mulelu, ni kuhanjika chenyi chamokomoko.

Galashia 6:1

Mandumbu, kachi mutu makwachika ni kapalia, yenu nuli akwa Spiritu, nukahilwise umwe ngwe yono ni mbunge ya kushimbika; nikukanyama yena mwene, kuchina ni yena nawa makuzeza.

1 Tesalonika 4:8

Kashika yoze malituna, malituna hi atu ko, alioze Zambi, yoze wakunwaha Spiritu yenyi Musandu.

1 Timoteu 4:12

Niumwe kanda alelesa ukweze we; alioze pwako chilweza kuli akwa kufuliela, ha liji, ha yilinga, ha zango, ha Ufulielo, ha kulinanga.

Hebreu 1:14

O eswe te hi maspiritu a kuvumbika ko, a kutumiwa mukuvumbika, mumu hali waze makahinga ulamwino, nyi?

Hebreu 9:24

Mumu Kristu kanjililemo muma musandu mwa kutungiwa ni moko, te Chizulie cha muma musandu mwamwenemwene; aiioze mwilu mwene hanga akasoloke haliapwila kumeso ja Zambi hali yetu:

Usolwelo 8:2

Mba namwene angelo shimbiali waze akumana kumeso ja Zambi: aahele yitavwi shimbiali.