Mateu 17:3 - MUKANDA USANDU WA ZAMBI 1975

³ Kumanyi, kwasolokele kuli ayo, Mose ni Eliya, kanahanjika nenyi.

Mukanda Wa Zambi 1970

³ Hohene Mose ni Eliya yaasoloka, te pande anate ni Yesu.

Mateu 17:3 Iomraidhean Croise

1 Yitanga Ya Mianangana 17:1

Eliya Ka-Tishibe wa hakachi ka njize ja mu Ngiliate yamba kuli Ahabe ngwenyi, Ni mwono wa Yehova Zambi ya Izalele yoze nakumana kumeso jenyi, kukuchi kapwa mume hanji vula ha miaka yino ndo ni liji liami.

Malaki 4:5

Mungunutuma profeta Eliya shimbu tangwa lize linene lia mwongo lia Yehova kanda Uchiheta.

Mateu 17:2

Walumukine kumeso jo: ku meso jenyi kwapangukile ngwe tangwa ni mahina jenyi apwile atoma ngwe pangu.

Mateu 17:4

Petulu wakumbulwile kuli Yesu ngwenyi, Mwene, chinawaha hali yetu kupwa kuno: kachi unazange, tutungenu kuno yisakila yitatu; chimwe hali yena, chikwo hali Mose, ni chikwo hali Eliya.

Marku 9:4

Kwasolokele kuli ayo Eliya hamwe ni Mose: no ahanjikile ni Yesu.

Luka 1:17

Kumakaya kulutwe lia meso jenyi ni spiritu ni tachi ja Eliya, mukutewulwila mbunge ja atato kuli ana, ni yihulia ku ukanyame wa akwa ululi; mukululikila Mwene amwe atu aalulikile.

Luka 16:16

Shimbi ni aprofeta apwile ndo kuli Yoano; chize ku mwaka uze, kanambulula sango lipema lia wanangana wa Zambi, ni mweswe kananjilamo ni tachi.

Luka 24:27

Iye nikuputuka ku mikanda ya Mose ni ya aprofeta eswe, walumbunwine kuli ayo mu yisoneko yeswe yuma ya kutwala kuli iye mwene.

Luka 24:44

Iye wambile kuli ayo ngwenyi, Wano e maliji aze nahanjikile kuli yenu shimbu napwile hamwe ni yenu, ngwami, Chatamba yuma yeswe kumanunuka yize yinasonewa mu shimbi ya Mose ni mu mikanda ya aprofeta ni ya masamu, ya kutwala kuli yami.

Luka 9:33

Mba shimbu machikatuka kuli iye, Petulu wambile kuli Yesu ngwenyi, Mwata, Chinapeme hali yetu kupwa kuno; tutungenu yisakila yitatu; chimwe hali yena, ni chikwo hali Mose, ni chikwo hali Eliya: se kanyingikine chize ambile.

Yoano 1:17

Mumu ahanyine shimbi ku kwoko lia Mose; vumbi ni umwenemwene yejile kuli Yesu Kristu.

Shimbi 18:18

Mungukaasolwela profeta hakachi ka usoko wo, malifwa ni yena; mungusa maliji jami mu kanwa lienyi, iye kumakambulula kuli ayo yeswe mungumwambayo.

Shimbi 34:10

Kukwasolokele mu Izalele profeta niumwe walifwa ni Mose, Zambi te yamunyingika meso ni meso.