Mateu 17:22 - MUKANDA USANDU WA ZAMBI 1975

²² Shimbu atwamine mu Ngalileya, Yesu wambile kuli ayo ngwenyi, Kumakakunjika mwe Mwana Mutu ku moko ja atu;

Mukanda Wa Zambi 1970

²² Muze tumbaji twa Yesu haalikungulula hamuwika mu Galilea, Yesu yaamba ngwenyi: “Maakakunjika Mwana Mutu ku moko ja atu

Mateu 17:22 Iomraidhean Croise

Mateu 16:21

Chize ku mwaka uze Yesu waputukile kulweza kuli tumbaji twenyi, ngwe chamutamba kuya ku Yerusaleme, nikwivwa lamba linji kuli makulwana ni asasendote akwa lutwe ni akwa kusonyeka, akamushihe, ni ha tangwa liamuchitatu akamuhindwise.

Mateu 16:28

Pundu ngunambe kuli yenu ngwami, Kwali amwe a kuli waze anamana kuno, kechi kumona kufwa nichimwe ndo mamona mwe Mwana Mutu kaneza mu wanangana wenyi.

Mateu 17:12

alioze ngunambe kuli yenu ngwami, Eliya haneza kulu, alioze kamunyingikine. Alingile kuli iye cheswacho azangile, chocho nawa mwe Mwana Mutu makevwa lamba kuli ayo.

Mateu 17:23

kumakamushiha, mba ha tangwa liamuchitatu kumakahinduka. Evwile chikolo chinyengo.

Mateu 17:9

Shimbu apalumukine ku mulundu, Yesu waahele shimbi ngwenyi, Kanda nukambulwilae niumwe usolwelo uno ndo mwe Mwana Mutu hahinduka mukachi ka afu.

Mateu 24:10

Hohene anji makatalinga, makalikunjika umwe kuli mukwo, makalivwila kole umwe ni mukwo.

Mateu 26:16

Chize ku ola yize wafupile mwaka upema hanga akamukunjike kuli ayo.

Mateu 26:46

Katukenu, tuyenu: yoze mangukunjika kanakundama.

Marku 8:31

Iye waputukile kwalongesa, ngwenyi, Chatamba mwe Mwana Mutu kwivwa lamba linji, akalituneye kuli makulwana, ni kuli asasendote akwa lutwe, ni kuli akwa kusonyeka, akamushihe, ni kulutwe lia matangwa atatu akahinduke.

Luka 24:26

Te kuchatambile Kristu kwivwa lamba lia yino yuma, nikunjila mu uhenya wenyi, nyi?

Luka 24:46

Iye wambile kuli ayo ngwenyi, Chocho chinasonewa, ni chocho chatamba Kristu kwivwa lamba ni kuhinduka hakachi ka afu ha tangwa liamuchitatu;

Luka 9:22

Ngwenyi, Chatamba mwe Mwana Mutu kwivwa lamba linji, akalituneye kuli makulwana, ni asasendote akwa lutwe, ni akwa kusonyeka, akamushihe, ni ha tangwa liamuchitatu akahinduke.

Luka 9:43

O eswe alishimwokene ha ulamba wa Zambi. Ni shimbu eswe akomokene ha yuma yize yeswe alingile, wambile kuli tumbaji twenyi ngwenyi,

Yilinga 7:52

Iya hakachi ka aprofeta, tulamba twenu kamuhungumioneneko? O hanashihi waze ambulwile Shimbu-kanda ha kutwala ku kwiza cha Mukwa Ululi; kuli iye yenu nunapu haliapwila akwa kuhandukulula ni yingalwe.

1 Korintu 11:23

Mumu natambwile kuli Mwene, chize yami nawa nanukunjikilecho, ngwe Mwene Yesu ha ufuku uze amukunjikile, wanjile mbolo;