Mateu 17:2 - MUKANDA USANDU WA ZAMBI 1975

² Walumukine kumeso jo: ku meso jenyi kwapangukile ngwe tangwa ni mahina jenyi apwile atoma ngwe pangu.

Mukanda Wa Zambi 1970

² Mba kusoloka chenyi yichalumuka ku meso jo; meso jenyi yaahenya ngwe tangwa; mahina jenyi yaabwa atoma ngwe Pangu.

Mateu 17:2 Iomraidhean Croise

Miaso (Masamu) 104:2

Walifuka ni pangu ngwe uzalo; wazazulula malilu ngwe luhina.

Mwaso Ubema Wahiana 6:10

Iya au kanatale haze ngwe che kucha. Aye kanapeme ngwe kakweji, kanatemuka ngwe tangwa; kole ni woma ngwe maswalale ni mbandeira jo?

Mateu 17:1

Kulutwe lia matangwa asambano, Yesu yatwala hamwe nenyi Petulu, ni Tiangu, ni mwanakwo Yoano, yaakandwisa ha mulundu usuku ukawo.

Mateu 17:3

Kumanyi, kwasolokele kuli ayo, Mose ni Eliya, kanahanjika nenyi.

Mateu 28:3

Kusoloka chenyi chapwile ngwe mihenyo, ni mazalo jenyi atoma ngwe neve.

Marku 9:3

mahina jenyi alumukine a kupeyima, atoma ahiana ngwe neve, ngwe mukwa kutomesa mahina hano hashi niumwe mahasa kwatomesa.

Luka 9:29

Shimbu machilemba, meso jenyi alumukine, ni mahina jenyi alumukine atoma ni a kuhenyahenya.

Yoano 1:14

Mba Liji walipwishile musunya, Watwamine hakachi ketu wa tò ni vumbi ni umwenemwene (twatalile uhenya wenyi, uhenya ngwe wa mwe Mwana wa wika wa kuli Tata).

Yoano 17:24

Tata, ngunazange waze nawa hiunangwehe akapwe hamwe ni yami kuze nguli, hanga akatale uhenya wami, uze wanguhele; mumu wanguzangile shimbu kanda asela fundamentu ya hashi.

A-ROMA 12:2

Kanda nulitesa ni mwakono, alioze alumukenu ku kupwisa chaha cha kunyonga chenu, hanga nukase chinyingi chize wapwa upale upema ni ungunu wa Zambi ni uze wamupemena.

Usolwelo 10:1

Namwene mungelo mukwo wa ngolo kanahulumuka mwilu, unazala lelwa; ni kongolo wapwile ha mutwe wenyi, ni meso jenyi ngwe tangwa, ni molu jenyi ngwe manguji a kahia.

Usolwelo 20:11

Namwene ngunja yinene yitoma, ni yoze watwamineho, kumeso jenyi lilu ni hashi yachinyine; kuyawanyine chihela.