Mateu 17:18 - MUKANDA USANDU WA ZAMBI 1975

¹⁸ Yesu wamwambilile; mba ndemoniu watuhukile muli iye; mwe mwana-lunga wahindukile chize ku ola yize.

Mukanda Wa Zambi 1970

¹⁸ Yesu yakalukila mwiku wa luchisa. Yiutuhuka muli mwana. Mwe mwana yahinduka shimbu lizeliene.

Mateu 17:18 Iomraidhean Croise

Mateu 12:22

Hohene anehene kuli iye umwe mukwa ndemoniu, kapuputa kanda kamama, wamuwukile, chocho kapuputa kanda kamama wahanjikile, wamwene.

Mateu 15:28

Hohene Yesu wamukumbulwile ngwenyi, Yena pwo, Ufulielo we unene, chikapwe kuli yena chizechene ngwe unazange. Mwanenyi wa pwo wahindukile chize ku ola yize.

Mateu 17:17

Yesu waakumbulwile ngwenyi, Enu chisemuko kuchishi Ufulielo, nwapiya, ndo mwiji muka mungukapwa hamwe ni yenu? Ndo mwiji muka mungukalihumikiza ni yenu? Munehenu kuno kuli yami.

Mateu 17:19

Hohene tumbaji ejile kuli Yesu ukawo, nikwamba ngwo, Kuchi te yetu kutwahashile kumutuhwisa?

Mateu 9:22

Alioze Yesu ha kutewuluka, yamumona, wambile ngwenyi, Hamuka, mwanami, Ufulielo we hiwakupwisa mungunu. Mba mwe pwo wapwile mungunu chize ku ola yize.

Marku 1:34

Iye wawukile anji waze ayijile ni misongo yeka ni yeka, watuhwishile andemoniu anji, katayijile andemoniu kuhanjika, mumu amunyingikine.

Marku 5:8

Mumu wambile kuli iye ngwenyi, Yena spiritu ya luchisa tuhuka muli mwe lunga.

Luka 4:41

Ni andemoniu nawa atuhukile muli anji, nikukololoka, ngwo, mwe Kristu yena, mwe Mwana Zambi. Iye nikwakanjisa, kaatayijile kuhanjika, mumu anyingikine ngwo, Iye Kristu.

Luka 8:29

Mumu te hamba Spiritu ya luchisa atuhuke muli mutu. Mumu kanji wamukwachile: ni atu amulayile wa kukasa ni malenge ni kuli; iye nikupatula makana pundu, amuhungumionene kuli ndemoniu ku puya.

Luka 9:42

Alioze shimbu te achili nikwiza, ndemoniu wamulimbwile, wamutunyishine chikolo. Yesu wakanjishile Spiritu ya luchisa, wahindwishile mwana-lunga, wamuhilwishile kuli tato.

Yilinga 16:18

Chino wachilingile matangwa anji. Mba Paulu nikwivwa chikulikuli chikolo, yatewulukila, yamba kuli Spiritu ngwenyi, Ngunakwambe mu jina lia Yesu Kristu ngwami, Tuhuka muli iye. Iye watuhukile ola yize yene.