Mateu 16:3 - MUKANDA USANDU WA ZAMBI 1975

³ Ha chimenemene ngwenu, Musono kangonga, mumu lilu linachili, Unavunduka. Yilembese, nunanyingika ngwe chize kusa chinyingi ku yuma ya malilu alioze kunwanyingikine kusa chinyingi ku yilayi ya miaka.

Mukanda Wa Zambi 1970

³ Chichamene nwakwamba ngwenu: ‘Vula kumanoka mumu lilu linachili, linavunduka.’ Nunanyingika ha kusa yinyingi ku yuma ya mwilu, alioze kunushi mana kulumbununa yinyingi ya mwakono!

Mateu 16:3 Iomraidhean Croise

1 Sango Ja Mianangana 12:32

Kuli ana ja Isaka, malunga alongolokele mu yinyingi ya miaka akanyingike chize chatamba A-Izalele kulinga, akwa lutwe apwile kulakaji aali, ni usoko wo weswe wazeyele kuli ayo.

Mateu 11:5

Tupuputa kanalaula ku meso, ni yilema kanende, akwa mbumba kanapeme, ni afwa matwi kanevu, ni afu kanahinduka; kuli yiswale kakwambujola sango lipema.

Mateu 15:7

Enu yilembese, Izaia waprofetezele kanawa hali yenu ngwenyi,

Mateu 22:18

Alioze Yesu wanyingikine ungulungulu wo, kashika wambile ngwenyi, Kuchi te nunangweseka, yenu yilembese?

Mateu 23:13

Lamba lienu, akwa kusonyeka ni A-Fwariseu, yilembese! mumu nwakuyika wanangana wa malilu kuli atu: mumu kunushi kunjilamo yenwene, ni waze mazanga kunjila kunushi kwatayiza.

Mateu 4:23

Yesu wayile nikujingajinga mu Ngalileya mweswe, nikulongesa mu masunangonga jo, nikwambujola sango lipema lia wanangana, nikuwuka misongo yeswe, ni weji weswe hakachi ka atu.

Mateu 7:5

Chilembese, Uliange kuchiza mukambo mu liso lie; mba mumona kanawa kuchiza koma mu liso lia mukwenu.

Luka 11:44

Lamba lienu akwa kusonyeka ni A-Fwariseu! yilembese! mumu nunapu ngwe mafuka aze keshi kusoloka, ni waze mapalikaho keshi kuchinyingika.

Luka 12:56

Yilembese, nunanyingika ngwe chize kulumbununa kusoloka cha hashi ni lilu; alioze ngwe kuchi kunwanyingikine kulumbununa we mwaka?

Luka 13:15

Alioze Mwene wamukumbulwile ngwenyi, Yenu yilembese, mweswe hakachi kenu kakujitula ngombe yenyi, hanji chimbulu chenyi, ku chililo ha tangwa lia Sambata, akamutwale ku meya.

Hebreu 5:14

Alioze kulia cha tachi kuchapwa hali waze hakola, waze mumu ha mukunda wa kulijilila, mana jo akwete a kulifumba, akase chinyingi hakachi ka chize chipema ni chipi.