Mateu 16:26 - MUKANDA USANDU WA ZAMBI 1975

²⁶ Mumu kuchi mutu mafumbuka kachi malipichisa hashi heswe, alioze matokesa mwono wenyi? Hanji kuchi mutu mahana cha kusumbakenya mwono wenyi?

Mukanda Wa Zambi 1970

²⁶ Mutu chika mafumbula nyi mabita hashi heswe, alioze makatokesa mwono wenyi? Mutu chika mahasa kuhana ha kuyuka nawa mwono wenyi?

Mateu 16:26 Iomraidhean Croise

Jobe 2:4

Satana yakumbulula Yehova ngwenyi, E, chikowa ha chikowa. Mutu mecha yeswe ali nayo ha kulamwina mwono wenyi.

Jobe 27:8

Mumu kutalatala cha chitanganyanyi kuchi chapwa muze Zambi hanamusutula ni kumutambula mwono wenyi?

Mateu 16:25

Mumu mweswawo mazanga kulamwina mwono wenyi kumakautokesa: alioze mweswawo matokesa mwono wenyi mumu hali yami, kumakauwana.

Mateu 16:27

Mumu mwe Mwana Mutu kumakeza mu uhenya wa Tato hamwe ni angelo jenyi, hohene kumakahana kuli mweswe nikulita ni yilinga yenyi.

Mateu 5:29

Alioze kachi liso lie lia chindume mulikutalingisa, litombongonemo, ulimbile: mumu Shinaho utokese chihanda chimuwika, kuchina mujimba we weswe makaumbila mu Ngehena.

Luka 12:20

Alioze Zambi ngwenyi, Chihepuke, ufuku uno kumatambula mwono we kuli yena; ni yuma yize hiunalulika, yaya muyipwa?

Luka 16:25

Alioze Apalahama ngwenyi, Mwanami, iwuluka ngwe yena ha miaka ya mwono we, watambwile yuma ye yipema, chizechene Lazaru watambwile yuma yipi; haliapwila kanamulembejeka, ni yena uli mu upinjilo.

Luka 9:25

Mumu kuchi mutu mafumbuka, kachi malipichisa hashi heswe, akalitokese mwene?