Mateu 16:23 - MUKANDA USANDU WA ZAMBI 1975

²³ Alioze watewulukilile kuli Petulu ngwenyi, Sosolokako kunyima yami, Satana: uli chitalingiso kuli yami: mumu kushi kunyonga yuma ya Zambi alioze yuma ya atu.

Mukanda Wa Zambi 1970

²³ Alioze Yesu yatewuluka kuli Petulu, ngwenyi: “Ngukatuke, Sakwonga! Uli chitalingiso kuli yami, mumu kuushi kunyonga ngwe Zambi alioze ngwe atu!”

Mateu 16:23 Iomraidhean Croise

Ubutukilo 3:17

Kuli Alama yamba ngwenyi, Mumu yena hiwatayiza liji lia mukwenupwo hiwalia ku mutondo uze nakukanjishile ngwami, Kanda uliako, mavu kanashingiwa ha mukunda wa yena. Mukaliako ni kuhondangana wika matangwa eswe a mwono we.

2 Samuel 19:22

David yamba ngwenyi, Enu ana ja Zeluia, kuchi ni yenu ni yami, nupwe akwa kulimika ni yami musono? Kechi kushiha niumwe mu Izalele musono. Te chachinyingikine ngwami, Nguli mwanangana wa Izalele musono, nyi?

1 Sango Ja Mianangana 21:1

Satana yalimika ni Izalele. Yasongojola David alule A-Izalele.

Izaya 8:14

Iye kumakapwa chiswamo, ni liwe lia kuhukanyisa, luliwe lwa kutalingisa ku minyachi yeswe yiali ya Izalele. Mapwamuheto ni kambwila kuli akwa Yerusaleme.

Mateu 16:22

Petulu wamutwalile ku tenga, waputukile kumwambila ngwenyi, Zambi akuvwile keke, Mwene: chino kuchichi kapwa kuli yena, nichimwe.

Mateu 18:7

Lamba kuli akwa hashi mumu ha yitalingiso! Mumu chatamba yitalingiso yikeze, hindu lamba kuli yoze mutu maneha chitalingiso.

Mateu 4:10

Hohene Yesu yamba kuli iye ngwenyi, Sosolokako Satana: mumu chinasonewa ngwo, Ukawayile Mwene Zambi ye, iye wika ukamulingile.

Marku 8:33

Alioze iye, ha kutewuluka, yamona tumbaji twenyi, Wámbilile Petulu ngwenyi, Sosoloka kunyima yami, Satana, mumu kushi kunyonga yuma ya Zambi, alioze yuma ya atu.

Luka 4:8

Yesu wamukumbulwile, ngwenyi, Sosoloka kunyima yami, Satana, mumu chinasonewa ngwo, Ukawayile Mwehe Zambi ye, Iye wika ukamulingile.

Yoano 6:70

Yesu waakumbulwile ngwenyi, Chanutongwele, yenu kumi ni aali, nyi? Mba umwe wa kuli yenu iye ndiapu umwe.

A-ROMA 14:13

Kashika kanda tulipatwila nawa umwe ni mukwo ni mukwo: alioze tupatulenu chino Shinaho, ngwetu niumwe kanda asa chihukanyiso hanji chitalingiso mu jila ya ndumbwenyi.

A-ROMA 14:21

Chinawaha kulitwamina kulia yifwo, chipwe kunwa vinyu, chipwe kulinga chuma chimwe chize mahukanyisa nacho ndumbwe, hanji matalinga, hanji malela.

Filipu 3:19

songo lio, kwonwona; zambi yo, jimo; ni uhenya wo, sonyi jo; kakunyonga yuma ya hashi.

Kolosu 3:2

Nyongenu yuma yize yili kwilu, hi yuma yize yili hano hashi ko.