Mateu 16:21 - MUKANDA USANDU WA ZAMBI 1975

²¹ Chize ku mwaka uze Yesu waputukile kulweza kuli tumbaji twenyi, ngwe chamutamba kuya ku Yerusaleme, nikwivwa lamba linji kuli makulwana ni asasendote akwa lutwe ni akwa kusonyeka, akamushihe, ni ha tangwa liamuchitatu akamuhindwise.

Mukanda Wa Zambi 1970

²¹ Chize ku tangwa lize, Yesu yabutuka kwambulula mwazu kuli tumbaji twenyi ngwenyi: “Changutamba kuya ku Yerusaleme. Kwenako makulwana ja Ayuda ni mahako a lutwe a Zambi, ni alongeshi a Shimbi maakangumwesa lamba linji, maakangushiha, mba ha tangwa lia muchitatu Zambi kumakanguhindwisa.”

Mateu 16:21 Iomraidhean Croise

Nehemia 12:7

ni Salu, ni Amoke, ni Hilekia, ni Jedaia. Wano te akwa lutwe ja asasendote ni usoko wo ha matangwa ja Yeshua.

Mateu 12:40

mumu chizechene ngwe Yona wapwile matangwa atatu ni ufuku utatu mu jimo lia yishi munene; chocho mwe Mwana Mutu kumakapwa mushi lia mavu matangwa atatu ni ufuku utatu.

Mateu 16:22

Petulu wamutwalile ku tenga, waputukile kumwambila ngwenyi, Zambi akuvwile keke, Mwene: chino kuchichi kapwa kuli yena, nichimwe.

Mateu 16:28

Pundu ngunambe kuli yenu ngwami, Kwali amwe a kuli waze anamana kuno, kechi kumona kufwa nichimwe ndo mamona mwe Mwana Mutu kaneza mu wanangana wenyi.

Mateu 17:12

alioze ngunambe kuli yenu ngwami, Eliya haneza kulu, alioze kamunyingikine. Alingile kuli iye cheswacho azangile, chocho nawa mwe Mwana Mutu makevwa lamba kuli ayo.

Mateu 17:9

Shimbu apalumukine ku mulundu, Yesu waahele shimbi ngwenyi, Kanda nukambulwilae niumwe usolwelo uno ndo mwe Mwana Mutu hahinduka mukachi ka afu.

Mateu 20:28

Chizechene ngwe mwe Mwana Mutu kejileko akamuvumbike, alioze mukuvumbika, nikuhana mwono wenyi ndando ya ukule hali anji.

Mateu 26:2

Nunanyingika kulutwe lia matangwa aali, Chizomboka muchipwa, mba makakunjika mwe Mwana Mutu akamuhachile ha kulusu.

Mateu 26:47

Shimbu machihanjika, Yundase, umwe wa kuli kumi ni aali, wejile, ni hamwe nenyi mbunga yinene ni tutana ni mbwechi, a kuli asasendote akwa lutwe ni makulwana ja atu.

Mateu 27:12

Muze amusumine asasendote akwa lutwe ni makulwana, kakumbulwile nichimwe.

Mateu 27:63

ngwo, Mwene, tunewuluka yono mukwa kwonga wambile shimbu achili ni mwono ngwenyi, Kulutwe lia matangwa atatu munguhinduka.

Mateu 28:6

Amuno keshimo; mumu hahinduka, chizechene ngwe wambile, Tweyenu, nutale homa haze apombanga Mwene.

Marku 8:31

Iye waputukile kwalongesa, ngwenyi, Chatamba mwe Mwana Mutu kwivwa lamba linji, akalituneye kuli makulwana, ni kuli asasendote akwa lutwe, ni kuli akwa kusonyeka, akamushihe, ni kulutwe lia matangwa atatu akahinduke.

Marku 9:12

Iye wambile kuli ayo ngwenyi, Eliya chamwenemwene mahanga kwiza, akalulike yuma yeswe: alioze ngwe kuchi chinasonewa hali mwe Mwana Mutu ngwo, Makevwa lamba linji, makamupwisa wamokomoko?

Luka 17:25

Alioze hatangu chamutamba kwivwa lamba linji, akalituneye ku chisemuko chino.

Luka 24:46

Iye wambile kuli ayo ngwenyi, Chocho chinasonewa, ni chocho chatamba Kristu kwivwa lamba ni kuhinduka hakachi ka afu ha tangwa liamuchitatu;

Luka 9:31

wano asotokele mu uhenya, ahanjikile ha kutwala ku kufwa chenyi chize mafwa ku Yerusaleme.