Mateu 16:19 - MUKANDA USANDU WA ZAMBI 1975

¹⁹ Kumungukakwaha sapi ja wanangana wa malilu; ni cheswacho mukasa hano hashi kumuchikakashiwa mu malilu: ni cheswacho mukasulula hano hashi kumuchikakasuluka mu malilu.

Mukanda Wa Zambi 1970

¹⁹ Mungukakwaha sapi ja wanangana wa mwilu. Cheswacho muukalituna hano hashi, Zambi mwilu halituna cho kulu; ni cheswacho muukatayiza hano hashi, Zambi mwilu neye hachitayiza kulu.”

Mateu 16:19 Iomraidhean Croise

Izaya 22:22

Mungukasa ha chipaya chenyi sapi ya zuwo lia David. Iye kumakazulula mba niumwe makájila; kumakájila, mba niumwe makazulula.

Mateu 18:18

Pundu ngunambe kuli yenu ngwami, Cheswacho munukasa hano hashi kumuchikakashiwa mwilu, ni cheswacho munukasulula hano hashi kumuchikakasuluka mwilu.

Yoano 20:23

eswo munwakonekena milonga yo, kumaakonekenayo; eswo munukasa milonga yo, kumuyikashiwa.

Yilinga 15:7

Muze te hikwapwa kulu mbandanga yinji, Petulu wakatukile, ngwenyi, Mandumbu, yenu nunanyingika, chize ku matangwa a kunyima, Zambi watongwele hakachi kenu, hanga akwa mavungu ku kanwa liami akevwe liji lia sango lipema, akafuliele.

2 Korintu 2:10

Alioze yoze munumukonekena chuma chimwe, ni yami nawa mungumukonekena; mumu chize yami nawa hingunakonekena, kachi hingunamukonekenacho, hichapwa hali yenu, kumeso ja Kristu;

1 Tesalonika 4:8

Kashika yoze malituna, malituna hi atu ko, alioze Zambi, yoze wakunwaha Spiritu yenyi Musandu.

Usolwelo 1:18

ni mwe mukwa mwono; napwile mufu, aiioze natwama ni mwono ndo ku miaka ya mutolo, ni sapi ja kufwa ni Heteze nguli najo.

Usolwelo 11:6

Wano chiyulo akwete cha kuyika lilu, hanga vula kechi kanoka ha matangwa ja uprofeto wo: o chiyulo akwete ha meya cha kwaalumuna manyinga, ni cha kulamba hashi ni lamba lieswe lieka ni lieka, cheswe mazanga.

Usolwelo 3:7

Kuli mungelo wa chikungulwila cha ku Filadelfia Soneka ngwe, Yino yuma kanambe mwe musandu, mukwa umwenemwene, yoze uli ni sapi ya David, yoze wakwazulula mba niumwe kechi kájila, wakwájila mba niumwe kechi kázulula, ngwenyi:

Usolwelo 9:1

Mungelo wamuchitano wembile chitavwi chenyi, mba namwene lutongonoshi yakatuka kwilu, yaholoka hashi: amuhele sapi ya jondo.