Mateu 16:18 - MUKANDA USANDU WA ZAMBI 1975

¹⁸ Ni yami nawa ngunambe kuli yena ngwami, Yena uli Petulu, ni ha liwe lino mungutunga chikungulwila chami, ni yajilo ya Heteze kuyichi kakumbaho.

Mukanda Wa Zambi 1970

¹⁸ Ni yami ngunakwambe ngwami: yena uli Petulu (liwe), ni ha luliwe luno mungukatunga Chikungulwila chami. Chibwe kufwa kuchichi kachikumba.

Mateu 16:18 Iomraidhean Croise

Ubutukilo 22:17

kuwahisa mungukakuwahisa; kwokesa mungukokesa munyachi we ukapwe ngwe matongonoshi a mwilu; ukapwe ngwe masekeseke a ha ngenge ya kalunga-lwiji. Munyachi we makazuka chajilo cha akwa kole je.

2 Samuel 18:4

Mwanangana ngwenyi, Cheswacho chanupemena ami mungulinga. Mwanangana wamanyine ku kulwa chikolo cha chihunda shimbu atu atuhukile ha makulakaji jo, ni ha tununu two.

Jobe 38:17

Hakulweza yajilo ya kufwa? Hanji hiwamona mapito a milima pwi?

Miaso (Masamu) 107:18

Mbunge jo mujivwila lwaji kulia cheswacho. Kakukundama ku yikolo ya kufwa.

Miaso (Masamu) 127:5

Kawaha yoze uli ni chindalo chenyi cha tò. Keshi kwivwa sonyi muze mahanjika ni akwa kole jo mu chikolo.

Miaso (Masamu) 129:2

Kanji hanangupinjisa chize ku ukweze wami, hindu kangukumbile.

Miaso (Masamu) 69:12

Waze atwama mu chikolo cha limbo kakunguhanjikila. Hinapwa mwaso wa akwa kuzengewa.

Miaso (Masamu) 9:13

Nguvwile kama vumbi, Yehova; nyonga lamba liami lize akunguvwisa akwa kole jami, yena kuwakunguchiza ku chikolo cha kutwa;

Yishima 24:7

Mana asuha naye hali chihepuke; keshi kupakula kanwe lienyi mu chota.

Izaya 28:16

Kashika Mwene Yehova kanambe ngwenyi, Talenu, ngunase yimwe fundamentu mu Zaione, liwe, liwe lia kweseka, liwe lilemu lia ha mbango, fundamentu ya ngú. Mweswe mafuliela kechi kalipupula.

Izaya 28:6

Makapwa mbunge ya ululi muli mukwa kupatula, ni tachi muli waze akuhilwisa jita mwe mu chikolo.

Izaya 38:10

Yingwamba ngwami, Changutamba kuya shimbu matangwa jami hakachi ni hakachi ali. Hanangukunjika ku yajilo ya Shiole kumanununa miaka yami.

Izaya 54:17

Nichimwe chikungo muchikawaha nyi hachifula kulimika ni yena. Kumukakumika limi lieswe lize lia kulimika ni yena ha kusopa. Yehova kanambe ngwenyi, Chenacho chihinga cha tuvumbi twa Yehova, chocho nakwasambisa.

Yona 2:6

Napalumukine mushi lia milundu. Hashi ni njalo jaho janguyikilile ku miaka ya mutolo; hindu, yena Yehova Zambi yami, hiwachiza mwono wami mu jondo.

Mateu 10:2

Achi, majina ja apostolo kumi ni aali wano: Mutangu Semone, jina lienyi likwo, Petulu, ni mwanakwo Andeleu; Tiangu mwana Zembendeu, ni mwanakwo Yoano,

Mateu 11:23

Ni yena Kafwanaume hakunangamisa ndo mwilu, kumakakuhulumuna ndo ku Heteze: mumu kachi yipupu yize alingile muli yena, ayilingile mu Sondome, kachi kuchasala ndo tangwa lino.

Mateu 18:17

Kachi maapangula, chambulule ku chikungulwila: nyi kachi mapangula chikungulwila nawa, akapwe kuli yena ngwe mukwa-mavungu ni mukwa kufwetesa lijimu.

Mateu 4:18

Ha kusesesa Chitende cha Ngalileya, wamwene asongo-ni-mutu, Semone yoze anamuvuluka ngwo, Petulu, ni mwanakwo Andeleu, kanatela wanda mu Chitende; mumu apwile akwa kutela yishi.

Mateu 7:24

Kashika mweswawo mevwa wano maliji jami, nyi maalinga, kumamupwisa ngwe mukwa kukanyama yoze watungile zuwo lienyi ha liwe:

Yoano 1:42

Iye wamutwalile kuli Yesu. Yesu watalile kuli iye, wambile ngwenyi, Yena uli Semone, mwana Yona; kumakuluka ngwo, Sefwa (linalumbunuka ngwo, Petulu).

Yilinga 2:47

nikuhalisa Zambi, nikuwana vumbi kumeso ja atu eswe. Mba Mwene wawezele ku chikungulwila tangwa ha tangwa waze apwile nikulilamwina.

Yilinga 20:28

Keyelenu kuli yenwene, ni ku mbunga yeswe ya mapanga, yize Spiritu Musandu hananuse tulayi, mukufunga chikungulwila cha Zambi, chize azukile ni manyinga jenyi mwene.

Yilinga 8:1

Saulu te kanatayiza kufwa chenyi. Ha tangwa lize kwakatukile yihungumiona yinene ha chikungulwila chize chapwile mu Yerusaleme; ni eswe amwanganyine mwamwa mu yifuchi ya Yundeya ni Samaria, alioze apostolo, ka.

1 Korintu 15:55

Yena kufwa, Ulihi lumunyi we? Yena kufwa, Chilihi kukumba che?

Galashia 2:9

muze anyingikine vumbi lize anguhele, Tiangu ni Sefwa ni Yoano, waze apwile manguji mu chikungulwila, ahanyine kuli yami ni Mbarnavwe moko ja chindume a kulikunda, hanga yetu tukaye kuli akwa mavungu, o akaye kuli akwa ungalami.

Efesu 3:10

hanga haliapwila akanyingikise mawanangana ni yiyulo mu malilu, ku chikungulwila, milali yeka ni yeka ya mana a Zambi.

Efesu 5:32

Chijimbikilo chino chinene: alioze ngunahanjika ha kutwala kuli Kristu ni chikungulwila.

Kolosu 1:18

Iye we mutwe wa mujimba, che chikungulwila: iye we uputukilo, mutangu kusemuka hakachi ka afu; hanga akapwe ni muhela utangu helu lia yuma yeswe.

1 Timoteu 3:15

Alioze kachi munguvumiwa chikolo, hanga ukanyingike ngwe chatamba kwenda mu zuwo lia Zambi, che chikungulwila cha Zambi ya mwono, lie nguji ni fundamentu ya umwenemwene.

1 Timoteu 3:5

(nyi mutu kanyingikine kuyula zuwo lienyi mwene, ngwe kuchi mafunga chikungulwila cha Zambi?)

Hebreu 12:28

Kashika, ha kutambula wanangana uze kuushi kuhasa kunyika, tupwenu ni vumbi, ku lize tukavumbike Zambi ni uvumbiko wa kupemena chikolo, ni ulemeso ni woma.

Usolwelo 11:15

Mungelo wamuchishimbiali wembile chitavwi chenyi; kwapwile maliji anene mwilu, ngwo, Wanangana wa hano hashi hiwapwa wa Mwene wetu, ni wa Kristu yenyi: iye kumakayula ndo ku miaka yeswe ya mutolo.

Usolwelo 21:14

Ni chipanga cha limbo chapwile ni kumi lia fundamentu ni fundamentu jiali, ni kumi lia majina ni majina aali a kusonekaho, majina ja kumi lia apostolo ni apostolo aali a mwe Mwana-panga.