Mateu 16:13 - MUKANDA USANDU WA ZAMBI 1975

¹³ Muze Yesu ahetele ku yihanda ya Sesarea-Fwilipu, wahulile tumbaji twenyi ngwenyi, Kuchi atu akunguvuluka yami mwe Mwana Mutu?

Mukanda Wa Zambi 1970

¹³ Yesu yaya ku chifuchi chakusulangana ni limbo lia Sesarea Filipu, yahula tumbaji twenyi: “Atu kuchi akunguvuluka yami Mwana Mutu ngwo: nguli iya?”

Mateu 16:13 Iomraidhean Croise

Daniel 7:13

Namwene ha usolwelo wa ufuku, kumanyi hamwe ni malelwa a mwilu kwejile umwe ngwe mwana mutu; yakundama kuli mwe Mukulu-wa-Matangwa, yamusolola kuli iye.

Mateu 12:32

Mweswawo mahanjika liji lia kulimika ni mwe Mwana Mutu, kumakamukonekenalio; alioze mweswawo mahanjika cha kulimika ni Spiritu Musandu, kechi kamukonekenacho, chipwe ha mwaka uno, chipwe ha uze muwizaho.

Mateu 12:40

mumu chizechene ngwe Yona wapwile matangwa atatu ni ufuku utatu mu jimo lia yishi munene; chocho mwe Mwana Mutu kumakapwa mushi lia mavu matangwa atatu ni ufuku utatu.

Mateu 12:8

Mumu mwe Mwana Mutu iye mwene wa Sambata.

Mateu 13:37

Iye wakumbulwile, ngwenyi, Yoze wakukuwa mbuto yipema iye mwe Mwana Mutu;

Mateu 13:41

Mwe Mwana Mutu kumakatuma angelo jenyi, kumakakunga yitalingiso yeswe ni waze akulinga uhulia, makaachiza mu wanangana wenyi.

Mateu 15:21

Yesu wakatukile kuze, wayile kweka ku yihanda ya ku Teru ni Sendone.

Mateu 16:27

Mumu mwe Mwana Mutu kumakeza mu uhenya wa Tato hamwe ni angelo jenyi, hohene kumakahana kuli mweswe nikulita ni yilinga yenyi.

Mateu 16:28

Pundu ngunambe kuli yenu ngwami, Kwali amwe a kuli waze anamana kuno, kechi kumona kufwa nichimwe ndo mamona mwe Mwana Mutu kaneza mu wanangana wenyi.

Mateu 25:31

Alioze muze mwe Mwana Mutu meza mu uhenya wenyi, ni angelo asandu eswe hamwe nenyi, hohene makatwama ha ngunja yenyi ya uhenya:

Mateu 8:20

Yesu yamba kuli iye ngwenyi, Mikuza kali ni mena, tujila a mwilu kali ni yaswa; alioze mwe Mwana Mutu keshi haze ha kushachila mutwe wenyi.

Mateu 9:6

Alioze hanga nunyingike ngwenu, Mwe Mwana Mutu chiyulo akwete hano hashi cha kukonekena milonga, (hohene yamba kuli mukwa kalepa ngwenyi), Katuka, anda chalo che, uye ku zuwo lie.

Marku 10:45

Mumu mwe Mwana Mutu nawa kejileko akamuvumbike, alioze mukuvumbika, akahane mwono wenyi ndando ya ukule hali anji.

Marku 8:38

Mumu mweswawo manguvwila sonyi yami, hanji ha maliji jami hakachi ka chisemuko chino cha utanji kanda cha shili, mwe Mwana Mutu nawa kumakamuvwila sonyi, muze meza mu uhenya wa Tato hamwe ni angelo asandu.

Yoano 1:51

Yamba kuli iye ngwenyi, Pundu, pundu, ngunambe kuli yena ngwami, Chize ku haliapwila ndo kulutwe kumukamona lilu liakwazulula, ni angelo ja Zambi nikuzezuka nikuhulumuka hali mwe Mwana Mutu.

Yoano 12:34

Mbunga kashika amukumbulwile ngwo, Hitunevu mu shimbi ngwo, Kristu matwama ndo ku miaka ya mutolo; ngwe kuchi yena unambe ngwe, Chatamba kuzundula mwe Mwana Mutu? Yono mwe Mwana Mutu iya?

Yoano 3:14

Chizechene ngwe Mose azundwile kapela mu puya, chocho chatamba kuzundula mwe Mwana Mutu;

Yoano 5:27

Hanamwehe chiyulo cha kulinga upatwilo, mumu iye mwe Mwana Mutu.

Yilinga 10:38

ngwami, Yesu wa ku Nazare, ngwe amuwayishile ni maji kuli Zambi ni Spiritu Musandu ni tachi: iye wendele nikulinga yipema, nikuhindwisa waze eswe aamwesene lamba kuli Ndiapu; mumu Zambi wapwile hamwe nenyi.

Yilinga 7:56

Mba wambile ngwenyi, Talenu, ngunamono malilu kanazuluka, ni mwe Mwana Mutu kanamana ku chindume cha Zambi.