Mateu 15:9 - MUKANDA USANDU WA ZAMBI 1975

⁹ Alioze hamokomoko kakunguwayila, Nikutenga ndongo ja atu shimbi.

Mukanda Wa Zambi 1970

⁹ Chamokomoko akunguwayila, mumu kaakulongesa ndako ja atu ngwe Shimbi jami,’ Chenacho anambe Zambi.”

Mateu 15:9 Iomraidhean Croise

Miaso (Masamu) 39:6

Chamwenemwene atu eswe kakwenda mu kulinga chamokomoko; pundu kakupinda chamokomoko. Kakulumbika upite alioze kanyingikine yoze maukongolola.

Miaso (Masamu) 73:13

Chamwenemwene nakatala tuhu kupemesa mbunge yami, nikusanyisa moko jami mu kulinanga.

Kutuhuka 20:7

Kanda ukavuluka ni mahuza jina lia Yehova Zambi ye, mumu Yehova kechi kusambisa yoze mavuluka ni mahuza jina lienyi.

Izaya 29:13

Mwene wambile ngwenyi, Wano atu kanakundama kuli yami ni makanwa jo ni kungulemesa ni mivumbo yo, alioze mbunge jo kusuku jili ni yami, ni woma akunguvwila wapwa shimbi yimwe ya atu lianalilongesa kupalikila;

Alevi 26:16

chino mungulinga kuli yenu: Mungunutongwela mwongo wa susumuku, ni mukaka, ni kachiki yoze wakupokiekesa meso nikuhongesa mwono. Munukuwa mbuto yamokomoko, mumu akwa kole jenu mayilia.

Alevi 26:20

Munuhwisa tachi jenu mokomoko mumu mavu kechi kuhana tachi jo, ni mitondo ya chifuchi kuyichi kuhana mihuko yayo.

Malaki 3:14

Hinwamba ngwenu, Kulingila Zambi, chamokomoko. Chika mutufumbula ha kufunga shimbi jenyi, hanji kwenda kumeso ja Yehova-wa-Tujita nikulinyenga?

Mateu 15:10

Watambikile mbunga kuli iye, wambile kuli ayo ngwenyi, Ivwenu, nuse chinyingi:

Marku 7:7

Alioze hamokomoko kakunguwayila, nikulongesa ngwe longeso lio, yambo ya atu.

1 Korintu 15:2

ku lienalio hananulamwina, kachi munukalalaminya liji lize nanwambujolele, shina nwafulielele chamokomoko.

Shimbi 12:32

Cheswacho ngunanwambecho, nukanyame kuchilinga. Kanda nuwezako, chipwe kanda nutepululako.

1 Timoteu 1:4

Chipwe kanda apanjika ku yishima yamokomoko, ni kujichika miya yize kuyishi songo, yenayo kuyakuneha mbandanga, alioze kuyishi kusenyesa kulutwe uselo wa Zambi, uze uli mu Ufulielo.

Titu 1:14

kanda apanjika ku yishima yamokomoko ya A-Yunda, ni ku shimbi ja atu, aze akupiangula ku umwenemwene.

Hebreu 13:9

Kanda nuhungumioka ni longeso lieka ni lieka, lize kulialumbunukine; mumu chinawaha mbunge yikakole mu vumbi; hi mu kulia ko, mumu kuchafumbukile kuli waze endelemo.

Tiangu (Jake) 2:20

Alioze unazange kunyingika, yena mutu wamokomoko, ngwe Ufulielo kuushi yitanga kuunafu, nyi?

Usolwelo 22:18

Ngunashindakenya kuli mweswe mevwa maliji a uprofeto wa mukanda uno; ngwami, Kachi umwe maweza ku yino yuma, kachi Zambi makaweza kuli iye lamba lieka ni lieka, lize linasonewa mu mukanda uno.

1 Samuel 25:21

David te hamba ngwenyi, Pundu nafungile yuma yeswe ya yono lunga mu puya, nichimwe chamutokele chakuhi. Alioze kuchamulumbunukine; hananguhilwisa yipi ha yipema yami.