Mateu 15:25 - MUKANDA USANDU WA ZAMBI 1975

²⁵ Alioze wejile nikumuwayila ngwenyi, Mwene ngukwase kama.

Mukanda Wa Zambi 1970

²⁵ Alioze mwe pwo yakundama nikuliumba ha makungunwa ngwenyi: “Mwene, ngukwase kama!”

Mateu 15:25 Iomraidhean Croise

Ubutukilo 32:26

Mba mwe lunga yamba ngwenyi, Ngweche nguye, mumu kunachi. Iye yamukumbulula ngwenyi, Chichi kukwecha ndo munguwahisa.

Hosea 12:4

Yalinwa ni mungelo, yakumba; yalila, yafupa vumbi lienyi. Yatakana ni Zambi ku Mbetele; kwenako Zambi yahanjika nenyi—

Mateu 14:33

Ni waze apwile mu ulungu amuwayilile ngwo, Chamwenemwene yena uli mwe Mwana Zambi.

Mateu 15:26

Aye wakumbulwile ngwenyi, Kuchawahile kuchiza mbolo ya ana ni kuyimbila kuli tuwa.

Mateu 20:31

Alioze mbunga aámbilile, hanga ahole; alioze akololokele kuhiana ngwo, Mwene, yena mwana David, tuvwile kama keke.

Mateu 8:2

Ni kumanyi, mukwa mbumba wejile kuli iye, wamuwayilile, ngwenyi, Mwene, kachi mupala kachi muhasa kungupemesa.

Marku 9:22

Ni kanji hanamulimbwola mu kahia ni mu meya, hanga amwonwone: alioze kachi muhasa kulinga chuma chimwe, tuvwile kama keke, utukwase kama.

Marku 9:24

Haze hene tato ya mwana, watetele, wambile ni masoji ngwenyi, Mwene, ngunafuliela; kwasa kama chize ngunahono ha Ufulielo wami.