Mateu 15:19 - MUKANDA USANDU WA ZAMBI 1975

¹⁹ Mumu mu mbunge mwakutuhuka manyonga api, ni ungalwe, ni utanji, ni upangala, ni wiji, ni Shindakenyo ya mahuza, ni kushililika.

Mukanda Wa Zambi 1970

¹⁹ Mumu mu mbunge mwakutuhuka manyonga abi. E akumuzondwola ni kushiha atu, ni kulinga utanji ni waze ali ku malo, ni kulinga utanji ni twamishi, ni kwiya, ni kuhanjika mahuza, ni kushililika.

Mateu 15:19 Iomraidhean Croise

Ubutukilo 6:5

Chocho Yehova yamona ungulungulu wa atu hashi, ngwenyi, Wahiana. Chikwo ngwenyi, Kutaka cheswe cha manyonga ja mu mbunge jo, chipi wika matangwa eswe.

Ubutukilo 8:21

Yehova yevwa lupembo mupema; Yehova yamba mu mbunge yenyi ngwenyi, Chichi kashinga nawa mavu mumu hali atu, mumu kunyonga cha mbunge jo chapiha chize ku wanuke wo. Chichi kulamba nawa akwa mwono eswe ngwe hinalinga.

Miaso (Masamu) 119:113

Nakuvwila kole akwa mbunge jiali, alioze kunazanga shimbi ye.

Yishima 22:15

Uhepuke unakashiwila mu mbunge ya mwana; alioze mbwechi ya kufumba muyiuhuma kusuku nenyi.

Yishima 24:9

Nyonga lia uhepuke kuliapwa shili; mukwa kulenya iye chizelwokeso kuli atu.

Yishima 4:23

Funga mbunge ye kuhiana yuma yeswe, mumu kwe kuuto ya mwono kwenako.

Yishima 6:14

Kupiya chili mu mbunge yenyi; keshi kulitwamina kutaka chipi; kakukuwa vunda.

Izaya 55:7

Chingulungulu akambile ndako jenyi, mukwa uhenge akambile manyonga jenyi. Eze kuli Yehova hanga amuvwile keke; eze kuli Zambi yetu mba mamwaha ukonekeno wa kulumbama.

Izaya 59:7

Molu jo kakuzomboka ku yipi, kakutambuka kumwanga manyinga a kusamba. Manyonga jo manyonga a uhenge, kwenyeka ni kwonwona yapwa mu majila jo.

Jeremia 17:9

Mbunge kuyakwonga kuhiana yuma yeswe, ni kupiha chikolo. Iya mayinyingika?

Jeremia 4:14

Yerusaleme, sanenu ku mbunge ungulungulu ukatuke, akanulamwine. Ndo mwiji muka manyonga jenu api matwama muli yenu?

Kwalula 22:29

Mbalau yamba kuli chimbulu ngwenyi, Mumu te yena wangukekuna. Kachi katana wapwa mu kwoko liami, kachi nakushiha.

Mateu 15:20

Yino yuma yakupihisa mutu, alioze kulia ni moko keshi kusana kuchishi kupihisa mutu.

Mateu 5:28

alioze yami ngunambe kuli yenu ngwami, Mweswawo matala pwo mukumuvwila usolo, halinga nenyi utanji kulu mu mbunge yenyi.

Mateu 9:4

Alioze Yesu, nikunyingika yishinginyeka yo, wambile ngwenyi, Kuchi te nunashinginyeka yuma yipi mu mbunge jenu?

Yilinga 8:22

Likonyeke kashika ha uno uhuka we, uliumbe kuli Mwene kachi makukonekena kama chitaka cha mbunge ye.

A-ROMA 7:18

Mumu ngunanyingika muli yami, te mu musunya wami, chuma chipema kuchishimo: mumu kupala nakupala, alioze kulinga chize chipema Chahashile.