Mateu 15:18 - MUKANDA USANDU WA ZAMBI 1975

¹⁸ Alioze yuma yize muyituhuka mu kanwa muyituhuka mu mbunge; neyo kuyakupihisa mutu.

Mukanda Wa Zambi 1970

¹⁸ Alioze yuma yize yakutuhuka mu kanwa yakukatuka mu mbunge, yenayo yakuvulumwisa mutu.

Mateu 15:18 Iomraidhean Croise

Miaso (Masamu) 36:3

Maliji a mu kanwa lienyi a uhenge ni kwonga. Hambila mana ni yitanga yipema. Ha muhela wenyi kakutaka uhenge;

Yishima 10:32

Mivumbo ya mukwa ululi yinanyingika chize chapemena; alioze kanwa lia chingulungulu kuliakuhanjika cha kupiya.

Yishima 15:2

Limi ha mukwa mana kuliakuhanjika yinyingi kanawa; ahoze kanwa ha chihepuke kuliakulusuka uhepuke.

Yishima 15:28

Mbunge ya mukwa ululi kuyakunyonga ha kumbululo; alioze kanwa lia chingulungulu kuliakulusukila yuma yipi.

Yishima 4:23

Funga mbunge ye kuhiana yuma yeswe, mumu kwe kuuto ya mwono kwenako.

Yishima 6:12

Chingandangali, chihenge, kakwenda ni kanwa lia kupiya.

Mateu 12:34

Enu, vungu lia yihili! ngwe kuchi munuhasa kuhanjika yipema se nuli yingulungulu? Mumu ku kulumbama cha mbunge kanwa mulihanjika.

Mateu 15:11

Hi chize ko muchinjila mu kanwa muchipihisa mutu; alioze chize muchituhuka mu kanwa, chino muchipihisa mutu.

Mateu 15:17

Kunushi kunyingika, kumanyi, cheswacho muchinjila mu kanwa muchipalika ku jimo, machimbila mu musenge?

Marku 7:20

Iye wambile ngwenyi, Chuma chize muchituhuka muli mutu, chize muchichisa mutu.

Luka 19:22

Yamba kuli iye ngwenyi, Mu kanwa lia yena mwene mungukupatwila, ndungo mupi. Yena wanyingikine ngwe nguli mutu mukalu, nikwanda chize chatumbikile, nikucha chize chakuwile.

1 Samuel 24:13

Ngwe chishima cha makulwana ngwo, Muli chingulungulu mwatuhuka ungulungulu. Alioze kwoko liami kulichi kulimika ni yenu.