Mateu 15:14 - MUKANDA USANDU WA ZAMBI 1975

¹⁴ Ahichikenu: tupuputa kanafupu kusongwela tupuputa, nyi kachi kapuputa masongwela kapuputa, eswe aali kumakalimbukila mu wina.

Mukanda Wa Zambi 1970

¹⁴ Echenu Afariseu! Kaali tetekeli tupuputa. Alioze, nyi kapuputa masongwela kapuputa mukwo, eswe aali maaholokela mu wina.”

Mateu 15:14 Iomraidhean Croise

Izaya 31:3

A-Engitu o atu, hi Zambi ko. Tuvwalu two a musunya, hi Spiritu ko. Muze Yehova molola kwoko lienyi, chikwashi matalinga, ni yoze amukwashile malimbuka, mba kumakanonga eswe hamuwika.

Izaya 42:19

Iya wapwa kapuputa ngwe kavumbi kami? Iya wapwa kafwa-matwi ngwe kanganda kami yono ngunatumu? Iya wapwa kapuputa ngwe yoze unalitumbikila kuli yami? Iya wapwa kapuputa ngwe kavumbi ka Yehova?

Izaya 56:10

Tulayi twenyi eswe tupuputa. Eswe keshi mana; eswe kapwa tuwa tumama, kahashile kupwoza. Akwa kulota, akwa kupomba, kakuzanga kufungunuka mu tulo.

Izaya 9:16

mumu tusongo twa vungu lino kakwapiangula, ni akwa kwakaula kanaazemuna.

Jeremia 5:31

Aprofeta kanaprofeteza mahuza, ni asasendote kanayulu nikulita ni liji lio. Atu jami kanazange chikolo chikapwe chocho, alioze chika munulinga muze songo mulikeza?

Jeremia 6:15

Te sonyi evwile ha kulinga yuma ya lwaji? Kenu! Kevwile sonyi nijimwe. Sonyi kajinyingikine. Kashika makalimbuka hakachi ka akwa kulimbuka. Mwaka uze muze mungwalamba mungwanunguna. Chocho kanambe Yehova.

Jeremia 8:12

Te sonyi evwile ha kulinga yuma ya lwaji? Kenu! Kefwile sonyi nijimwe. Sonyi kajinyingikine. Kashika makalimbuka hakachi ka akwa kulimbuka. Mwaka wa kastigu mungwanunguna. Chocho kanambe Yehova.

Hosea 4:17

Eframe hanalinungu ni mahamba, inwechenu!

Malaki 2:8

Alioze yenu hinwahambuluka mu jila; hinwatalingisa anji ni shimbi jenu; hinwalumbula usendo wa Levi. Chocho kanambe Yehova-wa-Tujita.

Luka 6:39

Iye wahanjikile nawa chishima kuli ayo ngwenyi, Kapuputa mahasa kusongwela kapuputa, nyi? Eswe aali, kechi kaholokela mu wina nyi?

Yoano 9:39

Yesu wambile ngwenyi, Ha upatwilo hinguneza hano hashi, hanga waze keshi kumona, akamone; hanga waze akumona, akapwe tupuputa.

1 Timoteu 6:5

kumbalanga cha atu a kupiha mu kunyonga cho, akuhona umwenemwene, waze anashinginyeka ngwo, Uwayilo unapu jila ya kufumbuka. Lihandunune ni atu ngwe wano.

2 Petulu 2:1

Alioze kwapwile aprofeta a kwonga nawa hakachi ka atu, chizechene ngwe hakachi kenu nawa kumukukapwa alongeshi a kwonga, ku tenga kumakaneha longeso lia kuhandununa lia kwonwona, nikulikala chipwe Mwata yoze waalanjile, ni kuneha hali ayo ene kwonwona cha susumuku.

2 Petulu 2:17

Wano anapu mafuji waze keshi meya, malelwa a kuhungumioka ku kakundukundu: hanaalulikila kulá cha milima.

Usolwelo 19:20

Mba akwachile mwe ngongo, ni profeta wa kwonga hamwe nenyi, yoze walingile yilayi kumeso jenyi, yize wapiangwile nayo waze atambwile mufunda wa ngongo, ni waze awayilile kaponya kenyi: eswe ni aali aanyashine a mwono mu Chitende cha kahia chize cha kuyila ni fundanga.

Usolwelo 22:15

Haze atwama tuwa ni akwa kupanda, ni yitanji, ni yingalwe, ni akwa kukombelela mahamba, ni mweswawo wakufwila, wakutomba mahuza.