Mateu 14:9 - MUKANDA USANDU WA ZAMBI 1975

⁹ Mwanangana wevwile chinyengo, alioze mumu ha shingo lienyi, ni hali waze atwamine ku mesa hamwe nenyi, wambile auhane.

Mukanda Wa Zambi 1970

⁹ Mwanangana yevwa chinyengo, alioze mumu ha mashingo jenyi ku meso ja atu waze atambikile, yahana Shimbi ya kumwaha wo.

Mateu 14:9 Iomraidhean Croise

Longeshi 5:2

Kanda ulipupula ni kanwa. Mbunge ye kanda yilipupula kwamba nichimwe kumeso ja Zambi. Mumu Zambi aye mwilu ali, ni yena uli hashi, kashika maliji je kanda apwa anji.

Jeremia 44:25

Yehova-wa-Tujita, Zambi ya Izalele kanambe ngwenyi, Enu ni mapwo jenu hinwamba ni makanwa jenu ni kuchilinga ni moko jenu ngwenu, Kumutukalinga yilakenyo yetu ya shingo yize hitwalakenya tukochele insensu mwe mwanangana wa pwo wa malilu nikumuzujila milambu ya kunwa. Hikolesenu yilakenyo yenu, nukayilinge.

Mateu 14:1

Ha mwaka uze nguvulu Heronde wevwile lufuma wa Yesu,

Mateu 14:10

Kashika watumine akatape Yoano mu zuwo lia ususu.

Mateu 14:5

Muze azangile kumushiha, wevwile woma wa mbunga, mumu amumwene profeta.

Mateu 14:8

Se hamulongesa kuli naye, yamba ngwenyi, Ngwehe kuno ha panda mutwe wa Yoano Chipapachisa.

Marku 6:14

Mwanangana Heronde wamuvwile lufuma; mumu jina lienyi liafumanyine: wambile ngwenyi, Yoano Chipapachisa hahinduka mukachi ka afu, kashika yipupu kakuyilinga kuli iye.

Marku 6:20

Mumu Heronde wevwile woma wa Yoano, mumu kananyingika iye mukwa ululi, kanda musandu. Mba wamufungile kanawa, ni muze amuvwile, wakakashanyine chikolo, alioze wamuvwile ni kuwaha.

Marku 6:26

Mwanangana wevwile chinyengo chinji; alioze mumu ha mashingo jenyi, ni hali waze anatwama ku mesa, kahashile kulituneye.

Luka 13:32

Iye wambile kuli ayo ngwenyi, Yénu, nukambe kuli yoze mukuza ngwenu, Tala, nakutuhwisa andemoniu, nakuhindwisa musono ni hamene, ni ha tangwa liamuchitatu mungukamanununa wenyi wami.

Akwa Kuyula 11:39

Kulutwe lia tukweji aali yahiluka kuli tato mba yamulinga nikulita ni shingo lienyi. Kanda achilimona ni lunga nilimwe tangwa. Chocho chalumukine ndako mu Izalele,

Akwa Kuyula 21:1

A-Izalele hamba ni shingo ku Mizepa ngwo, Niumwe hakachi ketu mahangisa mwanenyi wa pwo kuli A-Mbenjamine.

1 Samuel 14:24

Malunga a Izalele alifwichile chikolo tangwa lize, mumu Saulu hasa shingo hali atu ngwenyi, Mweswe malia chimwe chuma ndo ngoloshi, ndo hinalikala hali akwa kole jami, ashingiwe! Kashika niumwe hakachi ka atu kalile nichimwe cha kulia.

1 Samuel 14:28

Umwe hakachi ka atu yamba ngwenyi, Tatenu kakanjisanga atu ni shingo ngwenyi, Mweswe malia musono, ashingiwe. Mba atu te kanalezumuka.

1 Samuel 25:22

Ha chimenemene nyi hinamuhichika chipwe lunga umuwika wa kuli atu jenyi eswe, Zambi chocho angulinge nikuwezaho nawa.

1 Samuel 28:10

Alioze Saulu yalishinga ni Yehova ngwenyi, Ni mwono wa Yehova kechi kukufwetesa chuma chino.