Mateu 14:30 - MUKANDA USANDU WA ZAMBI 1975

³⁰ Alioze muze amwene fuji ya ngolo, wevwile woma; nikuputuka kushimbama, watetele ngwenyi, Mwene, ngulamwine!

Mukanda Wa Zambi 1970

³⁰ Alioze ha kumona fuji ya tachi, yevwa woma, yabutuka kushimbama mu meya, yateta ngwenyi: “Mwene, ngulamwine!”

Mateu 14:30 Iomraidhean Croise

1 MIANANGANA 6:15

Muze kavumbi ka mutu wa Zambi hahinduka chimene hatuhuka, kumanyi mbunga ya maswalale, ni tuvwalu, ni matemba haseleka chihunda. Kavumbi kenyi yamba kuli iye ngwenyi, Mama yami mwata! Kuchi mutulinga?

Miaso (Masamu) 3:7

Katuka Yehova. Ngulamwine Zambi yami. Mumu hiunalambe akwa kole jami eswe ha lumbangachi, hiunapukula mazo ja yingulungulu.

Mateu 14:29

Aye wambile ngwenyi, Tweya. Petulu wasunukine mu ulungu, wendele ha meya mukuya kuli Yesu.

Mateu 14:31

Haze hene Yesu wolwele kwoko lienyi, wamukwachile, yamba kuli iye ngwenyi, Yena mukwa Ufulielo ukepe, kuchi te wayambashana?

Marku 14:38

Lenu, lembenu, hanga kunuchi kanjila mu cheseko. Spiritu chamwenemwene yinalulika, alioze musunya ulelu.